Ike̱ng a ta tonong aYohana 20:12 - Izere New Testament

¹² Ne mi di áya a tá tsang a kus, áko̱k kasho̱o̱n be inoon, á tan nyeseng nasho̱o̱n itsik rigwo̱m ame. A karak afumung akak. Ne a bun a karak kufumung'e kukak kuya ku ta nye kufumung kutser. A to̱ ikom'e amok te̱re̱ be kunye ba, kyo̱ndi ike̱ng iya a tá zibir kaye̱e̱r afumung'e.

Ike̱ng a ta tonong aYohana 20:12 Iomraidhean Croise

aMatiyu 11:22

Won ta ka tak yin, katuk igang'e, amok aTaya ne áfe aSidon tà ra ku se be afe yin.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aLuka 10:20

Gip be anong, tu nye yin riye̱ rikan kamok ítseng tá ka fok yin kuto baꞌ, nye yin riye̱ rikan kamok an zibir ayerek yin kaye̱e̱r kaza.”

Itomong Ámanzo 24:15

Mi n bun min te riye̱ na Adakunom kyo̱ndi áner na ye a ta dorok aya a ta nye azhe̱l'e ne aya a ta nye amaan'e.

aRom 2:6

Adakunom tà no̱o̱k “Koangan ishorong wu te̱re̱ be ike̱ng iya a tá nye.”

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

Ike̱ng a ta tonong aYohana 11:18

Riye̱ áfurin kubeseng, izen riye̱ kubeseng wan n be̱. Izen n nye a tana to̱ ikom amok ne a ku karang ásam wan áner kuzarap ishorong ba, ne ásam wan ázhe̱l'e ne koangan áfe a ta tiyiik riyerek wan, inoon be áko̱k kasho̱o̱n. Izen n nye wan tana fe̱s áfe a tá beseng kazatse.”

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 19:5

Ne kuto̱ kukak wuruk natoon itsik rigwo̱m ame, ye, “Kerek yin Adakunom yir, Yin ásam wu cice̱r, yin áya i ta fok yin inyim wu, áko̱k kasho̱o̱n be inoon!”

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ike̱ng a ta tonong aYohana 20:11

Iyong mi di agbang itsik rigwo̱m rikak rikan be aner akak natoon'e. Kaza be kaben wor ka wei, akak ba di baꞌ.

Ike̱ng a ta tonong aYohana 20:13

Iyong ágbang adung be̱s be áner aya ba tá kus kaye̱e̱r ba. Riku be karo̱ kaya nabik áya a tá kus tú ku sor be̱s be afuba gip. A to̱ koangan amok te̱re̱ be kunye wu.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

Ike̱ng a ta tonong aYohana 22:12

“Di yin, Mi saase kyo̱o̱rna! Ishorong yin se nunaan, mi tà karang koangan tite̱re̱ be ike̱ng ife wu tá nye.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.