Ike̱ng a ta tonong aYohana 2:9 - Izere New Testament

⁹ Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

Ike̱ng a ta tonong aYohana 2:9 Iomraidhean Croise

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

aLuka 12:21

“Anong ne i tà se be koangan afe a tá tusung rice wu ike̱re̱, Adakunom tú di kyo̱ndi arum baꞌ.”

aLuka 22:65

Ne á fe̱ be wu kye̱re̱.

aLuka 4:18

“Kabik Adakunom se mak be mi, kamok anong a mi n kasa nong tá taas áfe rizor Rife̱ Ritek. A min tom nong ta taas áfe a ta se nitso̱m ye á ra sor washak ne i karak akpato̱o̱n anyisi, ne i sak áfe a tá ka mo̱o̱r ba ta sor ne̱k.

aLuka 6:20

Ayong aYeso kirik a tá ye̱re̱k álimazhiri wu ne a fe̱ ye, “Áner riye̱ rikan ne á nye yin áfe rizor kamok rigwo̱m Adakunom nye rife̱ yin.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

Itomong Ámanzo 26:11

Mi tsees ninaro̱ aduwa ba ne i ku nyesek ba risam dide̱ng, mi ta sak ba nong á tá zhe̱e̱sh aYeso. Mi tú ku di ba kye̱re̱ makiyi ma mi tsees niben kufang nong ase̱ ta ka tabak ba.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

aRom 2:17

To̱, wan afe i ta fe̱ ye wan nye áner aYahuda, wan ti fereng natoon Itsi ne i ni itsor kafok ye wan ren Adakunom,

aRom 5:3

Sang anong tsek baꞌ, yir bun i nye yir riye̱ rikan kaye̱e̱r risam yir kamok yir ren yir ye risam be̱e̱n kutsesek.

aRom 8:35

Angan ta kyem a tin kam yir be kushim aKiristi tin shim yir e̱? Risam ka kudaam, ka kutabak, ka izong ka kudun ike̱ng, ka kawei, ka riku e̱?

aRom 9:6

Sang i se ye rife̱ Adakunom n kpa baꞌ. Sang koangan aner Isarela ne a nye aner aya Adakunom ta kasa baꞌ.

2 aKoranti 6:10

kaye̱e̱r riye̱ riwe, gip be anong yir sor yir be riye̱ rikan. Yir be yir rizor amma yir sak yir ákak te árum nabik, yir sor yir ye yir be yir ike̱ng ikak baꞌ, amma ike̱re̱ cice̱r nye ife yir.

2 aKoranti 8:2

Ba se kaye̱e̱r amaan risam dide̱ng, amma riye̱ rikan ba se dide̱ng ma ri ta sak ba, á ta nye kuno̱o̱k be riye̱ rizining ba ta se kaye̱e̱r amaan rizor.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

1 aTasalonika 3:4

Nizen yir tá se yir be yin, yir yiir i ka taas yin ye, a tin tabak yir. Kyo̱o̱rna'me yin di yin be rice yin.

1 aTimoti 1:13

Mi tsang i nye aner kuzhe̱e̱sh Adakunom gye̱rtatan ne i tabak áfikuus ne i nye awan kuren, gip be anong Adakunom tin tonong kuro̱ riye̱ kamok mi nye kaye̱e̱r kudun kuren sang mi tsang i ni no̱o̱k katsak na aYeso baꞌ.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:2

Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.

Ike̱ng a ta tonong aYohana 2:24

Amma yin ribir'e, i ta se yin na aTiyatira, i ta kuus yin kubo̱so̱p wu baꞌ, yin bo̱so̱p yin ike̱re̱ iya á ta yis ye, Ike̱re̱ Ishetan i ta se tsik, baꞌ. Mi shim tà ka tak yin ye, mi ta ka no̱o̱k yin acer akak baꞌ.

Ike̱ng a ta tonong aYohana 3:9

Mi tà sak áner Ishetan, áya a tá fe̱ ye ba nye áner aYahuda, amma sang á ra nye baꞌ, á be abo̱o̱s, mi tà ka sak ba á ta be̱ kpas natak wan ne á ren ye mi ta shim.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”