Ike̱ng a ta tonong aYohana 2:26 - Izere New Testament

^26-28 Aner aya a ta canang kazatse ne a nye ike̱ng iya mi ta shim ma nigang'e, mi tù ku no̱o̱k kukyem a tà nye rigwo̱m natoon kazatse cei kyo̱ndi mi ta shan kukyem'i nufe Ada mi. Kyo̱ndi a ta fe̱ ye, ‘A tin nye rigwo̱m natoon ba be ishe̱n kutso̱m, a tà ka fo ba kyo̱ndi a ta fo kadonong iben.’ Mi tu ku no̱o̱k adar kusetson.

Ike̱ng a ta tonong aYohana 2:26 Iomraidhean Croise

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

aYohana 6:29

Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aRom 8:37

Wayo, kaye̱e̱r ike̱re̱ na cice̱r, yir nar yir agap áya a tana fe̱ ye á be agap kaye̱e̱r aYeso aya a tin shim yir.

1 aTasalonika 3:5

Kamok anong, mi ta di mi tana kyem i naka tsesek baꞌ, iyong mi tom nong a ta be̱ di kunyeseng yin kaye̱e̱r kuno̱o̱k katsak yin. Mi fok inyim ye ka Aner kuwo̱ro̱k ánerawe, aya a ta nye Ishetan m be̱ a tá ma ka wo̱ro̱k yin ma ta won yin iren'e nong itomong yir tà te kpe̱de̱ng.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aYakub 2:20

Wan afunam akak, wan shim a ta ka tonong ye kuno̱o̱k katsak dar kunye itomong sor ikeng ikak baꞌ a?

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

1 aYohana 5:5

Angan ta kyem a canang kazatse'me e̱? Aya a ta no̱o̱k katsak ye aYeso ne a nye Igon Adakunom tsek.

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Ike̱ng a ta tonong aYohana 2:17

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k naya a ta ne̱r a ta yis ye, amanna. Mi tù ku no̱o̱k kuta kukan a ta min zibir riyerek rifas natoon'e. Akak kuse a ta ren riyerek'e baꞌ, ma ke aner aya afe a ta shan kuta'me.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

Ike̱ng a ta tonong aYohana 22:5

Karo̱ ba sen te katuk baꞌ. Ánerawe tà ba tse̱r akanang kunom ka apitila nong a tin di karo̱ baꞌ, kamok Adakunom, Agwo̱m Ágwo̱m ne a tà nye akanang ba. Á tà nye rigwo̱m ma izen izen.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.