Ike̱ng a ta tonong aYohana 2:23 - Izere New Testament

²³ Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ike̱ng a ta tonong aYohana 2:23 Iomraidhean Croise

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

aYohana 4:16

Ne aYeso fe̱ be wu ye, “Tseng yis amitek wan ta be̱ yin aze.”

Itomong Ámanzo 1:24

Áyong á nye aduwa á tá fe̱ ye, “Agwo̱m Ágwo̱m wan ren kaye̱e̱r riye̱ koangan anerawe. Ni tonong yir aner aya wan tan kasa kaye̱e̱r áner afa na

aRom 14:12

Kamok anong, koangan yir ta tak ike̱ng iya wu tá nye nasho̱o̱n Adakunom.

aRom 8:27

Adakunom aya a ta ren kaye̱e̱r riye̱ ánerawe ren koakye Kabik ta shim kamok Kabik'e nye izong kamok ázhe̱l'e kyo̱ndi Adakunom ta shim.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

aGalati 6:5

Kamok i se gye̱r koangan tin ne̱ na acer wu.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

1 aBitrus 1:17

Kum yin ta yis yin Adakunom ye “Ada”, nizen iya yin ta nye yin aduwa. To̱, sor yin be ikap kutiim ma katuk kaya yin tana gang yin ritsen yin kaye̱e̱r kazatse na. Kamok wu nye aner ku to̱ amok. Wu tin kasa baꞌ, nizen iya aya a ta sen bo̱so̱p itomong ánerawe wu baꞌ.

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

Ike̱ng a ta tonong aYohana 20:12

Ne mi di áya a tá tsang a kus, áko̱k kasho̱o̱n be inoon, á tan nyeseng nasho̱o̱n itsik rigwo̱m ame. A karak afumung akak. Ne a bun a karak kufumung'e kukak kuya ku ta nye kufumung kutser. A to̱ ikom'e amok te̱re̱ be kunye ba, kyo̱ndi ike̱ng iya a tá zibir kaye̱e̱r afumung'e.

Ike̱ng a ta tonong aYohana 20:13

Iyong ágbang adung be̱s be áner aya ba tá kus kaye̱e̱r ba. Riku be karo̱ kaya nabik áya a tá kus tú ku sor be̱s be afuba gip. A to̱ koangan amok te̱re̱ be kunye wu.

Ike̱ng a ta tonong aYohana 22:12

“Di yin, Mi saase kyo̱o̱rna! Ishorong yin se nunaan, mi tà karang koangan tite̱re̱ be ike̱ng ife wu tá nye.

Ike̱ng a ta tonong aYohana 6:8

Mi tá fa ye̱re̱k ne mi di itsaap ikak i ta se kyo̱ndi ashi aruron nasho̱o̱n mi. Riyerek aner aya a tin ngarak natoon itsaap'e nye Riku, karo̱ nabik áya a tan kus tu ku sor tsang ka ku kuus nama. Á tú no̱o̱k ba kukyem a tanin fe̱s ikes azining kaye̱e̱r ikes anaas ife kazatse be itsor ne izong be iro̱k ne ámaan kukewum.