Ike̱ng a ta tonong aYohana 2:18 - Izere New Testament

¹⁸ “Zibir amaleka ikilisiya aTiyatira ye: Rife̱ na ne nufe Igon Adakunom, aya anyisi wu ta se kyo̱ndi icen kuro̱ng ne atak wu gye̱se̱m kyo̱ndi kutso̱m.

Ike̱ng a ta tonong aYohana 2:18 Iomraidhean Croise

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

aLuka 1:35

Ayong amaleka'me fe̱ be wu ye, “Kabik Kazhe̱l'e tin tiik natoon wan ne kukyem Adakunom ka kis. Kamok anong, a tà yis azhe̱l'e ayong, wan tana tes'ong ye Igon Adakunom.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aYohana 5:25

Katsak'e, mi ta ka tak yin, izen saase, n nye gip ma iya áya a tan kus tana fok kuto̱ Igon Adakunom, áya a tana fok ta se̱ kutser.

Itomong Ámanzo 16:14

Abining akak kaye̱e̱r áya afe a tin foos yir nye aLidiya. A nye abafe aTiyatira'me, a re̱e̱s ares a ta be itso̱m, a be inyim Adakunom.

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.

Ike̱ng a ta tonong aYohana 2:24

Amma yin ribir'e, i ta se yin na aTiyatira, i ta kuus yin kubo̱so̱p wu baꞌ, yin bo̱so̱p yin ike̱re̱ iya á ta yis ye, Ike̱re̱ Ishetan i ta se tsik, baꞌ. Mi shim tà ka tak yin ye, mi ta ka no̱o̱k yin acer akak baꞌ.