Ike̱ng a ta tonong aYohana 2:13 - Izere New Testament

¹³ Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:13 Iomraidhean Croise

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

aMatiyu 24:9

“Ne a ka yising yin nong a ta ka tabak yin ne a ka fe̱s yin. Kazatse cice̱r tà ka ranyin kamok riyerek'i.

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

aLuka 21:17

Ánerawe cice̱r tà ka ranyin kamok mi.

Itomong Ámanzo 22:20

Nizen iya a tá nyosong naso̱k asam wan Itifanus, mi ti se azong nunyeseng i ta kuus kama ike̱ng iya a ta nye. Mi ti sak riye̱ na ares áner aya a tú ku fe̱r.’

Itomong Ámanzo 9:14

A n be̱ aze be kufumung kuya ágbang atsi tú ku no̱o̱k nong a tin yising koangan afe a ta yis kaye̱e̱r riyerek wan.”

1 aTasalonika 5:21

Maas yin koakye kuri ike̱ng ne i yiir yin iya i ta nye itek.

1 aTimoti 5:8

Aner aya ne a ti sak riye̱ na afe iri wu baꞌ, abanang áfekari wu baꞌ, aner kuri ayong ton kuno̱o̱k katsak wu. A nye amaan'e ne a nar aner aya afe sang a tá min no̱o̱k katsak na aYeso baꞌ.

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

Ibrani 10:23

Won yir tu yiir yir ike̱ng iya yir ta min te yir riye̱, iya i ta taas yir, kamok wu afe a ta fe̱ ye wu tin nye yir ike̱re̱ na shishing rife̱ wu baꞌ.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aYakub 2:7

Sang ba ne á nye aya a ta beseng riyerek wu riyiik'e, riya a ta ka yis yin mo aꞌa?

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ike̱ng a ta tonong aYohana 11:3

Mi tà ka no̱o̱k asheda mi afa kukyem nong a tin zarap ma kuko̱s izungu izining be iso̱k inyak ifa be iso̱k igataar.” (1,260) A ta te agye̱e̱r ares nong á ta tonong riye̱ riwe ba.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 13:2

Ikewum mi tá di'me tas ici kase̱m. Amma agbang atas atak'e tas afe aBeyar, kanu'me se kyo̱ndi kafe azaki. Kuwhen ame no̱o̱k ikewum'e agap wu be itsik rigwo̱m wu ne agbang kukyem wu.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

Ike̱ng a ta tonong aYohana 2:2

Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.

Ike̱ng a ta tonong aYohana 3:11

Mi saase kyo̱o̱rna. Kamok anong yiir kuno̱o̱k katsak wan kpa fan akak bin shan ribong ishorong wan.

Ike̱ng a ta tonong aYohana 3:3

Kamok anong, yiring be ike̱ng iya wan ta fok i ta shan. Kuus nong ta shishing kuse wan. Amma ke wan dorok baꞌ, mi tà be̱ kyo̱ndi akpatang, wan tà ren izen iya mi tana be̱ baꞌ.