Ike̱ng a ta tonong aYohana 2:10 - Izere New Testament

¹⁰ Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 2:10 Iomraidhean Croise

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aMatiyu 10:28

Sang yin tu fok yin inyim áfe ku fe̱s ánerawe baꞌ, kamok á ta kyem a fe̱r kabik'e baꞌ. Fok yin inyim aner aya a tana kyem a te kabik be kuro̱m anerawe cei kaye̱e̱r kasa kuro̱ng ingya.

aMatiyu 24:13

Amma aner aya ne a nyeseng be agap ma nigang'e, a tà se̱ kashesh.

aMarkus 13:13

Ánerawe cice̱r tà ka ranyin kamok mi. Amma aner aya ne a nyeseng ma nigang'e, a ta se̱ kashesh.

aMarkus 8:35

Koangan afe a ta shim a ta shesh kutser wu, a tin wei. Afe a tin wei nutser wu kamok mi be Rife̱ Ritek, a ta shesh kutser wu.

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

aYohana 12:25

Aner aya a ta shim kutser wu tin wei. Aya a ta rawu rice wu kaye̱e̱r kazatse na tà se̱ kutser kufe izen izen.

aYohana 13:2

Nizen iya aYeso be álimazhiri wu ta se be iya naya katuk, Ishetan tsang i no̱ riye̱ aYahuza Iskariyot igon aSiman nong a tà no̱o̱k aYeso.

aYohana 13:27

Kum aYahuza tá fa shan abiredi'me ne Ishetan no̱ riye̱ wu. Ayong aYeso fe̱ be wu ye, “Ike̱ng iya wan tan sak ye wan tà nye, nye zizirik.”

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

1 aKoranti 9:25

Koangan a ta be nuyo̱ro̱k bo̱so̱p kuyo̱ro̱k'e dide̱ng nizham, ba nye anong nong a ta se̱ ishorong iya i tana bun i beseng, ishorong yir nye iya i tana sor ma izen izen.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

1 aBitrus 5:4

Nong ase̱ izen iya aKiristi aya a ta nye Agbang Afek ánerawe tana be̱, a ta ka no̱o̱k yin ribong rigwo̱m rife̱ kuyiik riya sang ri tana te rish baꞌ.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 13:2

Ikewum mi tá di'me tas ici kase̱m. Amma agbang atas atak'e tas afe aBeyar, kanu'me se kyo̱ndi kafe azaki. Kuwhen ame no̱o̱k ikewum'e agap wu be itsik rigwo̱m wu ne agbang kukyem wu.

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.