Ike̱ng a ta tonong aYohana 19:9 - Izere New Testament

⁹ Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 19:9 Iomraidhean Croise

aLuka 22:16

Mi shim ta ka tak yin ye, sang mi tà ba ya naya'me baꞌ, ma ike̱ng aPasova'me tà sor shining kaye̱e̱r rigwo̱m Adakunom.”

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

1 aTimoti 4:9

Rife̱ na nye katsak, i se gye̱r koangan ta shan ibo̱k ifa.

2 aTimoti 2:11

Rife̱ na nye katsak, rita fe̱ ye, “Ke yir kus yir mak be wu, yir tà bun i sor yir mak be wu;

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

Ike̱ng a ta tonong aYohana 10:4

Nizen akparam kanataar'e tá fe̱ kanu, mi shim ta zibir rife̱'me, amma mi fok kuto̱ kukak naza ye, “Sang tu zibir ike̱re̱ iya akparam'e tá fe̱ baꞌ.”

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

Ike̱ng a ta tonong aYohana 17:1

Ayong azining kaye̱e̱r ámaleka kanataar ame áya a tá be nakereng kanataar ame be̱ á ta fe̱ be mi ye, “Be̱, mi tà ka tonong kuri risam mi tana no̱o̱k agbang inyak agwo̱m na, aya a ta nye agbang kuwo̱p a tá no̱k bubarak be karo̱ ísho̱ng tú ku se whe̱re̱.

Ike̱ng a ta tonong aYohana 17:17

Kamok Adakunom sak naye̱ ba nong á ta shining ike̱ng iya wu tá shim. Ba tá shim a tá no̱o̱k kukewum'me kukyem ba nong a tin nye rigwo̱m ma izen iya a tana shining ike̱ng iya Adakunom ta fe̱.

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.

Ike̱ng a ta tonong aYohana 2:12

“Zibir amaleka ikilisiya aPagamum'e ye: Rife̱ na ne nufe aner aya a ta be awe̱n itsor iso̱p iya i ta ya abas afa dide̱ng.

Ike̱ng a ta tonong aYohana 2:18

“Zibir amaleka ikilisiya aTiyatira ye: Rife̱ na ne nufe Igon Adakunom, aya anyisi wu ta se kyo̱ndi icen kuro̱ng ne atak wu gye̱se̱m kyo̱ndi kutso̱m.

Ike̱ng a ta tonong aYohana 2:8

“Zibir amaleka ikilisiya aSamirna'me ye: Rife̱ na ne nufe aner aya a ta nye Ime̱se̱ng'e ne a nye Igang'e, wu ne a ku a tá bun a dorok be kutser.

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 22:6

Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”

Ike̱ng a ta tonong aYohana 3:1

“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.

Ike̱ng a ta tonong aYohana 3:20

Di, mi na nunyeseng ne i ca kanukutu. Aner aya a fok kuto̱ mi, a ti karak'e ne mi no̱ ta ya mak be wu ne wu ya be mi gip.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.