Ike̱ng a ta tonong aYohana 19:6 - Izere New Testament

⁶ Iyong mi bun i fok kuto̱ kukak kyo̱ndi riwo̱ng rigwo̱m ánerawe, kyo̱ndi ashi ta wo̱k, kyo̱ndi iza ta tasak. Mi fok á ta fe̱ ye, “Adide̱nge̱ng Adakunom! Kamok Ada Adakunom yir ayiik'e ne a se be rigwo̱m.

Ike̱ng a ta tonong aYohana 19:6 Iomraidhean Croise

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

Ike̱ng a ta tonong aYohana 1:15

Atak wu gye̱se̱m kyo̱ndi kutso̱m. Kuto̱ wu shiish kyo̱ndi ashi isho̱ng ta wo̱k.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

Ike̱ng a ta tonong aYohana 12:10

Iyong mi fok kuto̱ kukak kanang natoon kaza ku ta fe̱ ye, “Kyo̱o̱rname, kashesh be kukyem ne rigwo̱m Adakunom yir ne kukyem aKiristi wu m be̱. Kamok an barak aner aya a tá tsees kukun áronyining yir kaben, wu aya a ta yiir nye kukun áronyining yir nasho̱o̱n Adakunom katuk be kunom.

Ike̱ng a ta tonong aYohana 14:2

Iyong mi fok kuto̱ kukak tá wuruk kaye̱e̱r kaza kyo̱ndi ashi ta wo̱k, kyo̱ndi iza ta tasak. Kuto̱ kuya mi ta fok'e se kyo̱ndi áner ákak ta sen rom ízom.

Ike̱ng a ta tonong aYohana 19:1

Nama anong ne mi fok kuto̱ kukak kyo̱ndi riwo̱ng ánerawe whe̱re̱ kaye̱e̱r kaza ta tasak ne á fe̱ ye, “Adide̱nge̱ng Adakunom, kashesh be kuyiik ne kukyem nye kufe Adakunom yir.

Ike̱ng a ta tonong aYohana 19:4

Iyong áko̱k kasho̱o̱n iso̱k ifa be anaas ame ne ikewum inaas ame kpas kaben nong á tá ya Adakunom iben, wu afe a ta sonong natoon itsik rigwo̱m. Ne á tang kuto̱ ne á fe̱ ye, “Anong! Adide̱nge̱ng Adakunom!”

Ike̱ng a ta tonong aYohana 21:22

Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

Ike̱ng a ta tonong aYohana 4:5

Itsik rigwo̱m i ta se natite'me yiir berep kyo̱ndi akanang iza tá tarang karo̱ be kutasak. Iro̱ng apitila kanataar tuse azong i ta gye̱se̱m nasho̱o̱n itsik rigwo̱m'e, Iro̱ng iyong nye nabik Adakunom kanataar.

Ike̱ng a ta tonong aYohana 6:1

Mi di Aturuk'e ta sen bisik kudun'e kufe ime̱se̱ng'e kaye̱e̱r idun kanataar ame. Ne mi fok ikewum ikak izining kaye̱e̱r inaas ife kutser ame tá yis be agbang kuto̱ kyo̱ndi akparam ye, “Be̱.”

Ike̱ng a ta tonong aYohana 8:5

Ayong amaleka'me sok kures aturari ame, a tin shining be kuro̱ng natoon abagadi ame nong a tá misik nazatse. Ne akparam tar ne karo̱ nye berep be akanang kyo̱ndi iza ta tarang karo̱ ne kaben zuur gip.