Ike̱ng a ta tonong aYohana 19:12 - Izere New Testament

¹² Anyisi wu se kyo̱ndi rigyem kuro̱ng, abong rigwo̱m whe̱re̱ se natoon rice wu. A be riyerek rikak ni izibir, riya sang akak ta kyem a ren baꞌ, ma wu ze̱r tsek.

Ike̱ng a ta tonong aYohana 19:12 Iomraidhean Croise

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aYohana 17:12

Nizen iya mi tá se be ba, mi tú ku fek ba, ne mi ni sak riye̱ ni ba be riyerek riya wan tin te'me. Akak wei baꞌ, ma ke azining kaye̱e̱r ba aya a tá te kpe̱de̱ng nong ase̱ a tá shining Kufumung Rife̱ Adakunom.

Afisa 1:21

Azong ne aKiristi ti nye rigwo̱m natoon áfe rigwo̱m ne ágwo̱m ne áfe agap ne koakye kuri ike̱ng iya a tin te riyerek nasho̱o̱n, amma ma izen izen.

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

Ike̱ng a ta tonong aYohana 1:14

Rice wu be nakuyo̱ng wu kare̱p pes kyo̱ndi adiga akan. Anyisi wu se kyo̱ndi rigyem kuro̱ng.

Ike̱ng a ta tonong aYohana 12:3

Kuke̱ng kukak bun ku wuruk naza gbak. Kuke̱ng'e nye kukewum kukak kuseng ku ta se zhirim kyo̱ndi Kuwhen ku be ace kanataar be atom kuso̱k be abong rigwo̱m kanataar natoon ace'me.

Ike̱ng a ta tonong aYohana 13:1

Ne mi di kukewum kukak ku ta sen wuruk kaye̱e̱r agbang kudung. Kukewum'me be átom kuso̱k be ace kanataar ne abong rigwo̱m kuso̱k natoon átom wu'me. A ti zibir riyerek kuzhe̱e̱sh Adakunom natoon koakye rice'me.

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 6:2

Mi ye̱re̱k ne mi di itsaap ikan. Aner aya a tin ngarak natoon itsaap'e be ka ta nubo̱k wu, a mu ku te ribong rigwo̱m. Ayong a kpaan itsi ni itsaap'e kyo̱ndi aner aya a ta tseng a be ni iya ákak ni itsom.