Ike̱ng a ta tonong aYohana 17:7 - Izere New Testament

⁷ Ayong amaleka'me fe̱ be mi ye, “Kamok akye̱ ne wan fok azhing e̱? Mi tà ka te̱s ikpang abining na ne afe kukewum wu tin ngarak na, i ta be ace kanataar be atom kuso̱k.

Ike̱ng a ta tonong aYohana 17:7 Iomraidhean Croise

2 aTasalonika 2:7

Kamok amaan aner'ong n kpaan kunye itomong wu kyo̱o̱n kyo̱o̱n amma aner aya a tu ku te̱ne̱ng iren'e ta ya kasho̱o̱n be ku kute̱ne̱ng ma izen iya a tana ku tun azong.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

Ike̱ng a ta tonong aYohana 12:3

Kuke̱ng kukak bun ku wuruk naza gbak. Kuke̱ng'e nye kukewum kukak kuseng ku ta se zhirim kyo̱ndi Kuwhen ku be ace kanataar be atom kuso̱k be abong rigwo̱m kanataar natoon ace'me.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 18:1

Nama anong, mi di amaleka akak ta wuruk naza a ta sen tisik kaben. Amaleka'me be kukyem dide̱ng ma kuyiik wu samang kaye̱e̱r kazatse cice̱r.