Ike̱ng a ta tonong aYohana 16:6 - Izere New Testament

⁶ Kamok ba tan nyos naso̱k ázhe̱l'e be áfe kuzarap wan, yong wan tú no̱o̱k ba naso̱k nong a tá so̱ te̱re̱ be kunye ba.”

Ike̱ng a ta tonong aYohana 16:6 Iomraidhean Croise

aMatiyu 7:2

Kamok amok kuri amok afe yin tá to̱ yin ánerawe'me, kuri ayong ne a tà ma ka to̱ yin'e gip. Kuri kures afe yin ti maas yin ánerawe'me, kuri kuyong ne a tà ma ka maas ko yin'e gip.

aLuka 12:48

Afe a tá ren ike̱ng atekasa wu'me tá shim baꞌ, ke a nye ike̱ng i ta tas ke a ku whereng, a tu ku whereng cie̱k tsek. Kamok koangan ne a tú ku no̱o̱k whe̱r, a ma shim ke a se̱ whe̱r nufu. Aner aya a tú ku won'e whe̱r, a shim ke a bun a se̱ whe̱re̱ nubo̱k wu.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

Ike̱ng a ta tonong aYohana 11:18

Riye̱ áfurin kubeseng, izen riye̱ kubeseng wan n be̱. Izen n nye a tana to̱ ikom amok ne a ku karang ásam wan áner kuzarap ishorong ba, ne ásam wan ázhe̱l'e ne koangan áfe a ta tiyiik riyerek wan, inoon be áko̱k kasho̱o̱n. Izen n nye wan tana fe̱s áfe a tá beseng kazatse.”

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

Ike̱ng a ta tonong aYohana 13:15

Á tu no̱o̱k kukyem nong a tin fe̱e̱p isong nike̱ng'e nong ase̱ ku ta kyem ku fe̱ kanu ne ku sak a ta fe̱r koangan a ta gaar ku kuya iben.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Ike̱ng a ta tonong aYohana 18:24

Anong ne a ti to̱ kuwo̱p aBabila amok kamok naso̱k áner kuzarap ne nafe ázhe̱l'e áfe Adakunom ne nafe ánerawe á tá ka fe̱s ba nazatse.”

Ike̱ng a ta tonong aYohana 19:2

Kamok amok wu se gye̱r ne a nye katsak. A to̱ agbang inyak agwo̱m iya i tá beseng kazatse be rikuna wu amok. Adakunom mu ku karang kamok a fe̱s ásam wu.”