Ike̱ng a ta tonong aYohana 16:18 - Izere New Testament

¹⁸ Iyong karo̱ kpaan ku gye̱se̱m berep berep kyo̱ndi iza ta tarang karo̱, be kutasak ne akparam, ne kaben zuur dide̱ng. Kum Adakunom tá nye anerawe, kaben kun zuur anong baꞌ, kuzuur kaben'e wor ka nar agap.

Ike̱ng a ta tonong aYohana 16:18 Iomraidhean Croise

aMatiyu 24:21

Kamok risam izen iyong ta nar koakye kuri risam afe yin ta kun di yin kum nizen a tá nye kazatse ma nizen iyu. A ta ba bun a so̱ kuri risam'me baꞌ.

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.

Ike̱ng a ta tonong aYohana 11:19

Iyong agbang kutu kuya Adakunom iben ku ta se kaye̱e̱r kaza karak ne mi di akpate kushu Adakunom kaye̱e̱r'e. Ne akanang akak wuruk be riwo̱ng ne kutasak iza be kuzuur kaben ne agbang rikarang.

Ike̱ng a ta tonong aYohana 4:5

Itsik rigwo̱m i ta se natite'me yiir berep kyo̱ndi akanang iza tá tarang karo̱ be kutasak. Iro̱ng apitila kanataar tuse azong i ta gye̱se̱m nasho̱o̱n itsik rigwo̱m'e, Iro̱ng iyong nye nabik Adakunom kanataar.

Ike̱ng a ta tonong aYohana 6:12

Aturuk'e ta fa bisik kudun'e kufe igataar ne kazatse wor ka zuur be agap. Kunom wor ku te whi kyo̱ndi kukpiin kuwe kuya a ta nye be nakuyo̱ng izha iwe. Kufe̱n cice̱r ku te kuseng zhau kyo̱ndi naso̱k.

Ike̱ng a ta tonong aYohana 8:5

Ayong amaleka'me sok kures aturari ame, a tin shining be kuro̱ng natoon abagadi ame nong a tá misik nazatse. Ne akparam tar ne karo̱ nye berep be akanang kyo̱ndi iza ta tarang karo̱ ne kaben zuur gip.