Ike̱ng a ta tonong aYohana 15:8 - Izere New Testament

⁸ Ayong agbang kutu kuya Adakunom iben ame shining be itsing i ta wuruk kaye̱e̱r kuyiik Adakunom ne kukyem wu. Akak kyem a no̱ kaye̱e̱r agbang kutu kuya Adakunom iben'e baꞌ, ma izen iya iriri amaan risam kanataar ife ámaleka kanataar'e tá gang.

Ike̱ng a ta tonong aYohana 15:8 Iomraidhean Croise

aRom 11:33

Katsak'e, kutsik kuren kukyem Adakunom ne kuren ike̱ng wu be igak baꞌ. Angan ta kyem a ren iren wu ta nye ike̱re̱ wu ne iren wu tu ku gosok e̱?

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

Ike̱ng a ta tonong aYohana 15:1

Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

Ike̱ng a ta tonong aYohana 21:11

Kuwo̱p'e gye̱se̱m be kuyiik Adakunom, kugye̱se̱m'me se kyo̱ndi kufe iwe̱re̱ng ikak a ta yis ye aZhaspa. Kuwo̱p'e se kanang kyo̱ndi agilas.