Ike̱ng a ta tonong aYohana 15:1 - Izere New Testament

¹ Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

Ike̱ng a ta tonong aYohana 15:1 Iomraidhean Croise

Ike̱ng a ta tonong aYohana 10:3

Ne a ta kuto be agap kyo̱ndi azaki ta muus. Nizen iya wu ta tar ne kuto̱ akparam kanataar ame shim.

Ike̱ng a ta tonong aYohana 11:14

Risam rife̱ afa gor'ong, risam rife̱ ataar saase kyo̱o̱rna.

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.

Ike̱ng a ta tonong aYohana 14:19

Ayong amaleka'me ziming alauzhe wu ame kaye̱e̱r kazatse nong a ta kpe̱e̱r kutes anap ame ne a tusung naro̱ Adakunom tana fi ashi'me be riye̱ kubeseng wu.

Ike̱ng a ta tonong aYohana 16:1

Iyong mi fok kuto̱ kukak be agap ku tá yis kaye̱e̱r agbang kutu kuya Adakunom iben'e, ku ta sen fe̱ be ámaleka kanataar ame ye, “Tseng yin ta se korok yin kazatse nakereng kanataar nafe riye̱ kubeseng Adakunom na.”

Ike̱ng a ta tonong aYohana 17:1

Ayong azining kaye̱e̱r ámaleka kanataar ame áya a tá be nakereng kanataar ame be̱ á ta fe̱ be mi ye, “Be̱, mi tà ka tonong kuri risam mi tana no̱o̱k agbang inyak agwo̱m na, aya a ta nye agbang kuwo̱p a tá no̱k bubarak be karo̱ ísho̱ng tú ku se whe̱re̱.

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 8:13

Mi tá fa ye̱re̱k ne mi fok akim akak a ta tseng natoon kaza ta tos be agap ye, “Wa tsek, wa tsek, wa be áner á ta sor nazatse, nizen iya ribir ámaleka ataar tana fe̱se̱m agba baꞌ.”

Ike̱ng a ta tonong aYohana 8:2

Iyong mi di ámaleka kanataar ame á ta nyeseng nasho̱o̱n Adakunom, a tá ka no̱o̱k ba agba kanataar.

Ike̱ng a ta tonong aYohana 8:6

Iyong ámaleka kanataar ame nye kanye̱k nong á ta fe̱se̱m agba'me.

Ike̱ng a ta tonong aYohana 9:20

Ribir ánerawe áfe sang á ta ka fe̱s ba be amaan ike̱re̱'ong baꞌ, gaar kushishing kuse ba nong á tà kam be ike̱re̱ ba tá nye be ibo̱k ba. Á ya kasho̱o̱n be kuya amaan nabik iben ne ike̱re̱ ba ta nye be izinariya ne azurfa be atso̱m ne ata be ikon ba tá nye be ibo̱k ba. Ike̱re̱'ong di karo̱ baꞌ, i fok kuto baꞌ, i kyem i tseng baꞌ.