Ike̱ng a ta tonong aYohana 14:6 - Izere New Testament

⁶ Ne mi bun i di amaleka akak ta kar natoon kaza, a be Rife̱ Ritek Adakunom rife̱ izen izen nong a ta tak ánerawe kaye̱e̱r kazatse cice̱r, koakye kuri anerawe be koakye kuri izere be koangan irem.

Ike̱ng a ta tonong aYohana 14:6 Iomraidhean Croise

aMatiyu 10:27

Ike̱re̱ mi ta sen ka taas yin na awhi, fe̱ yin kanang. Ike̱re̱ a tá ka taas yin kyo̱o̱n nato, ngarak yin na agarang ta fe̱ yin kanang.

aMarkus 16:15

A fe̱ be ba ye, “Tseng yin koake̱ kaye̱e̱r kazatse, se taas yin ánerawe cice̱r Rife̱ Ritek'e.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

1 aBitrus 1:25

amma rife̱ Agwo̱m Ágwo̱m tà sor ma izen izen.” Rife̱ na ne rinye Rife̱ Ritek riya a tá ka nye yin awazi'me.

Ike̱ng a ta tonong aYohana 10:11

Ayong a bun a ti tak ye, “Wan ta bun i zarap natoon ánerawe whe̱re̱ be iwo̱p whe̱re̱ ne írem ze̱r ze̱r ne ágwo̱m ze̱r ze̱r.”

Ike̱ng a ta tonong aYohana 10:7

Amma nizen iya amaleka afe kanataar tana fe̱e̱p rigba rifu, nizen iyong ne Adakunom ta taas koakye ike̱ng wu ta tsang a fe̱ be áner kuzarap wu.”

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

Ike̱ng a ta tonong aYohana 8:13

Mi tá fa ye̱re̱k ne mi fok akim akak a ta tseng natoon kaza ta tos be agap ye, “Wa tsek, wa tsek, wa be áner á ta sor nazatse, nizen iya ribir ámaleka ataar tana fe̱se̱m agba baꞌ.”