Ike̱ng a ta tonong aYohana 14:4 - Izere New Testament

⁴ Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

Ike̱ng a ta tonong aYohana 14:4 Iomraidhean Croise

aMatiyu 19:12

Ákak ren ányining baꞌ, kamok á tu tes ba anong, ákak, ánerawe ne á tu ku sak ba á ta te anong. Ákak gaar kunye kuwe̱ne̱ng kamok rigwo̱m kaza. Aner a tana shan kubo̱so̱p na a ra shan.”

aMatiyu 25:1

“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aMatiyu 8:19

Ayong aner kubo̱so̱p itsi akak be̱ nufu a ta fe̱ ye, “Aner Kubo̱so̱p, mi ta ka kuus koakye ne wan ta tseng.”

aYohana 10:27

Itamang'i fok kuto̱ mi, mi ta ren ba ne ba ni kuus.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aYohana 13:37

aBitrus bun a fe̱ be wu ye, “Atekasa, akye̱ tà sak mi ta tseng be wan kyo̱o̱rna baꞌ e̱? Mi tà no̱o̱k rice mi kamok wan.”

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

1 aKoranti 16:15

Yin ren yin ye áfekasa Itifanus ne a te afikuus na Akaya ni ime̱se̱ng'e, an no̱o̱k rice ba nong á ta nye áner Adakunom azhe̱l'e itomong. Mi ta nye yin akusuk, ároneng, ye

1 aKoranti 6:20

a tá sheshek yin. Kamok anong tiyiik yin Adakunom be iro̱m yin.

1 aKoranti 7:28

Aner aya a tan nye kuwe̱ne̱ng, a nye rine̱n baꞌ. Ke kanamang n nye kuwe̱ne̱ng, ka nye rine̱n baꞌ. Áner áfe a tan nye kuwe̱ne̱ng tà se̱s kudaam iriri'me kaye̱e̱r kuwe̱ne̱ng nazatse na. Mi shim yin tu se̱ yin kudaam anong baꞌ.

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

Afisa 1:14

Kabik Kazhe̱l'e ne ka ti tonong yir ye Adakunom tin no̱o̱k yir ike̱ng iya a tá tsang a no̱o̱k kuto̱ ye wu tà no̱o̱k, ma nizen iya Adakunom tana sheshek afu. Iyuna se anong, nong anerawe ta kerek kuyiik wu.

Afisa 5:27

A nye anong, nong a ta be̱e̱n áfikuus'e nasho̱o̱n wu yiik, dar rizik ka ike̱ng ikak i ta risik, amma zhe̱l dar ike̱ng ikak imaan'e.

1 aTimoti 4:3

Áner kuri ayong roon ánerawe kunye kuwe̱ne̱ng ne kuya naya kuri nakak. Amma Adakunom nye naya kamok ánerawe áya a tin no̱o̱k katsak ne á ren katsak nong á tà shan be riye̱ rikan.

Ibrani 12:23

Yin n be̱ yin kaye̱e̱r áfikuus, áya a ta nye inoon nafe ife ime̱se̱ng'e áya ayerek ba ta se nuzibir kaye̱e̱r kaza. Yin n be̱ yin nufe Adakunom aya a tana to̱ ánerawe cice̱r amok ne nufe nabik áner aya a ta se zhe̱l, áya a ta shining gye̱r.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 21:22

Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

Ike̱ng a ta tonong aYohana 21:23

Agbang kuwo̱p'e tse̱r akanang kunom ka kufe̱n baꞌ, kamok kuyiik Adakunom ne kunye akanang'e ne Aturuk'e ne a nye apitila'me

Ike̱ng a ta tonong aYohana 3:4

Amma gip be anong, yin be yin ánerawe cie̱k kaye̱e̱r yin na aSardis áya a tan riir ares ba be rine̱n baꞌ. Á ta te ares akan nong á ta tseng mak be mi kamok ba kyem á ta tseng mak be mi.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.