Ike̱ng a ta tonong aYohana 14:10 - Izere New Testament

¹⁰ wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.

Ike̱ng a ta tonong aYohana 14:10 Iomraidhean Croise

aMatiyu 20:22

Amma aYeso fe̱ be ba ye, “Yin ren yin ike̱ng yin ta tse̱r yin baꞌ. Yin ta kyem i so̱ yin na ako̱p mi tanin so̱ a?” Ba tú ku shim'e ye, “Yir ta kyem yir.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

aMarkus 9:44

Azong azhizhi'me kus baꞌ, a ta kyem a riming kuro̱ng'e baꞌ.]

Itomong Ámanzo 10:22

Áner ame fe̱ ye, “Ako̱k kasho̱o̱n ásozha aRom kak, aya a tú ku yis ye aKoneliyus ne a min tom yir. A nye aner aya a ta se gye̱r nasho̱o̱n Adakunom ne a fok inyim Adakunom dide̱ng. Áner aYahuda cice̱r tú di yiik. Amaleka azhe̱l'e akak fe̱ be wu ye a ra fe̱ be wan ye wan ru tseng kari wu nong ase̱ a ta fok ike̱ng iya wan tana fe̱ be wu.”

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.

aZhud 1:7

Anong ne i se be aSodom ne aGomora ne iwo̱p iya i ta se bubarak be ba, iya i tá te rice ba ninye rikuna ma á kuus ike̱re̱ kuro̱m ife kurisik'e kyo̱ndi ámaleka'me tá nye. Ike̱ng iyong tonong kuri risam riya á tana so̱ kaye̱e̱r kuro̱ng kufe izen izen.

Ike̱ng a ta tonong aYohana 15:7

Ayong azining kaye̱e̱r ike̱re̱ i ta be kutser ame, no̱o̱k ámaleka kanataar'e nakereng a ta nye be izinariya kanataar na ta shining be riye̱ kubeseng Adakunom, wu afe a ta se ma izen izen.

Ike̱ng a ta tonong aYohana 16:19

Agbang kuwo̱p ame kabak abas ataar ne ágbang iwo̱p kazatse kpas ze̱r ze̱r. Adakunom to̱ro̱ng be agbang kuwo̱p aBabila. Ayong a no̱o̱k aBabila'me kures ashi anap kufe agbang riye̱ kubeseng wu.

Ike̱ng a ta tonong aYohana 18:3

Kamok ánerawe kazatse cice̱r n feng be ashi anap afe amaan rikuna wu. Ágwo̱m kazatse nye rikuna be wu. Ágbang ázhik kazatse na te árum kamok kushim kusas kusor kazatse wu.”

Ike̱ng a ta tonong aYohana 18:6

Kamok anong, nye yin be wu kyo̱ndi wu tá nye, cice̱r ike̱re̱ wu tá nye ku karang yin kutak kufa. Ashi anap'e wu tá sak akak tá so̱, ku sak yin a ta so̱ kutak kufa.

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 20:14

Ayong a barak Riku ame ne karo̱ kaya nabik áya a tá kus tú ku sor kaye̱e̱r icen kuro̱ng ame. Iyuna ne i nye riku rife̱ afa.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”