Ike̱ng a ta tonong aYohana 14:1 - Izere New Testament

¹ Mi ta fa ye̱re̱k ne mi di Aturuk ame nasho̱o̱n'i nunyeseng natoon kawhanang aSihiyona be áner izungu kuso̱k inyak be iso̱k inaas be anaas 144,000 mak be wu, áya a tá zibir riyerek Aturuk'e ne riyerek Ada wu ninati ba.

Ike̱ng a ta tonong aYohana 14:1 Iomraidhean Croise

aLuka 12:8

“Won tà ka tak yin, aner aya ne a fe̱ nasho̱o̱n ánerawe ye wu ti ren, Igon Anerawe tà fe̱ ye wu tu ren gip nasho̱o̱n ámaleka Adakunom.

aRom 9:33

Kyo̱ndi i ta se ni izibir rife̱ Adakunom ye, “Di yin mi n sak kuta kukak na aSihiyona ku tana sak ánerawe tanin tu atak, ne ku sak ánerawe tà kpas, amma aner aya ne a ti no̱o̱k katsak ni wu a tà fok isum baꞌ.”

Ike̱ng a ta tonong aYohana 14:14

Mi tá fa sok anyisi naza ne mi di kune̱n kukan nasho̱o̱n'i. Mi di aner akak kyo̱ndi Igon Anerawe ta min sonong natoon kune̱n'e. Aner'e be ribong rigwo̱m a tá nye be izinariya natoon rice wu. aLauzhe akak a tá ya dide̱ng se nubo̱k wu.

Ike̱ng a ta tonong aYohana 14:3

Á se be abom afas nasho̱o̱n itsik rigwo̱m ame be nasho̱o̱n ike̱re̱ inaas ame ne áko̱k kasho̱o̱n. Aner akak kyem a bom abom'e baꞌ, igak awan áner izungu kuso̱k inyak be iso̱k inaas be anaas 144,000 á tu ku shesh ba kaye̱e̱r kazatse ame tsek.

Ike̱ng a ta tonong aYohana 15:5

Nama anong, mi tá fa ye̱re̱k kaza, kaye̱e̱r agbang kutu kuya Adakunom iben ne mi di kubur kushu Adakunom kuye̱.

Ike̱ng a ta tonong aYohana 22:4

Ba tà di kanyisi wu ne riyerek wu se ninati ba.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”

Ike̱ng a ta tonong aYohana 6:8

Mi tá fa ye̱re̱k ne mi di itsaap ikak i ta se kyo̱ndi ashi aruron nasho̱o̱n mi. Riyerek aner aya a tin ngarak natoon itsaap'e nye Riku, karo̱ nabik áya a tan kus tu ku sor tsang ka ku kuus nama. Á tú no̱o̱k ba kukyem a tanin fe̱s ikes azining kaye̱e̱r ikes anaas ife kazatse be itsor ne izong be iro̱k ne ámaan kukewum.