Ike̱ng a ta tonong aYohana 13:8 - Izere New Testament

⁸ Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 13:8 Iomraidhean Croise

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aLuka 10:20

Gip be anong, tu nye yin riye̱ rikan kamok ítseng tá ka fok yin kuto baꞌ, nye yin riye̱ rikan kamok an zibir ayerek yin kaye̱e̱r kaza.”

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

Ike̱ng a ta tonong aYohana 12:15

Iyong Kuwhen ame kos ashi nanu wu kyo̱ndi ashi isho̱ng nong a tá wo̱k ye nong a tá se̱ ashi'me tá sok abining'e.

Ike̱ng a ta tonong aYohana 13:12

Ku ti nye itomong be kukyem kukewum kufe ime̱se̱ng'e ame. Ku bun sak kazatse ne áner á ta se kaye̱e̱r kazatse ta ya kukewum kufe ime̱se̱ng'e ame iben, ku ya kufor rice'me tá te kutser.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

Ike̱ng a ta tonong aYohana 3:20

Di, mi na nunyeseng ne i ca kanukutu. Aner aya a fok kuto̱ mi, a ti karak'e ne mi no̱ ta ya mak be wu ne wu ya be mi gip.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.

Ike̱ng a ta tonong aYohana 5:12

Á tang i to̱ be agap ne á bom abom ye, “Kukyem nye kufe Aturuk a tá tse̱e̱r, a kyem a tu ku no̱o̱k rigwo̱m be kurum ne kukyem cei be agap ne nakerek be kuyiik ne ri ritek.”

Ike̱ng a ta tonong aYohana 5:13

Ne mi bun i fok koakye ike̱re̱ i ta se natoon kaza be kaben cei be iya i ta se kaye̱e̱r kaben ne kaye̱e̱r ashi ne ife i ta se natoon'e cei tà ta kuto̱ na abom ye, “Nakerek be kuyiik be rigwo̱m ne agap nye kufe aya a ta sonong natoon itsik rigwo̱m'e be Aturuk'e gip ma izen izen.”

Ike̱ng a ta tonong aYohana 6:1

Mi di Aturuk'e ta sen bisik kudun'e kufe ime̱se̱ng'e kaye̱e̱r idun kanataar ame. Ne mi fok ikewum ikak izining kaye̱e̱r inaas ife kutser ame tá yis be agbang kuto̱ kyo̱ndi akparam ye, “Be̱.”