Ike̱ng a ta tonong aYohana 13:7 - Izere New Testament

⁷ A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 13:7 Iomraidhean Croise

aLuka 4:6

Ne a bun a fe̱ be aYeso'me ye, “Mi tà ka no̱o̱k iren nong tin nye rigwo̱m natoon ike̱re̱ na cei ne kuyiik ike̱re̱'me sor i kufuan, kamok a min no̱o̱k ike̱re̱ na cei. Kamok anong mi ta kyem i no̱o̱k aner aya mi ta shim.

aYohana 19:11

Amma aYeso fe̱ be wu ye, “Wan ti be kukyem kukak natoon'i ze̱e̱r be kuya a ta ka no̱o̱k natoon kaza baꞌ. Kamok anong, aner aya a tin sok a tá ka no̱o̱k ne a be rine̱n ne a ka nar.”

Ike̱ng a ta tonong aYohana 10:11

Ayong a bun a ti tak ye, “Wan ta bun i zarap natoon ánerawe whe̱re̱ be iwo̱p whe̱re̱ ne írem ze̱r ze̱r ne ágwo̱m ze̱r ze̱r.”

Ike̱ng a ta tonong aYohana 11:18

Riye̱ áfurin kubeseng, izen riye̱ kubeseng wan n be̱. Izen n nye a tana to̱ ikom amok ne a ku karang ásam wan áner kuzarap ishorong ba, ne ásam wan ázhe̱l'e ne koangan áfe a ta tiyiik riyerek wan, inoon be áko̱k kasho̱o̱n. Izen n nye wan tana fe̱s áfe a tá beseng kazatse.”

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

Ike̱ng a ta tonong aYohana 17:15

Ayong amaleka'me fe̱ be mi ye, “Isho̱ng na wan ta di aya inyak agwo̱m na ta min sonong, nye ánerawe rigwo̱m'e be iwo̱p ze̱r ze̱r ne ízere iriri'me.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.