Ike̱ng a ta tonong aYohana 13:3 - Izere New Testament

³ Rice ikewum'e rikak be agbang kufor kyo̱ndi a tin ku mo, amma kufor'e n te kutser. Anerawe te zhing kamok kufor'e tá te kutser ne á ku kuus.

Ike̱ng a ta tonong aYohana 13:3 Iomraidhean Croise

aLuka 2:1

Nizen iyong agbang agwo̱m a tú ku yis ye aKaisar Agusta no̱o̱k itsi ye a ra fa ánerawe niben aRom cice̱r.

aYohana 12:19

Ayong áner aFarisi fe̱ awan ba ye, “Di yin, yir i kyem i nye yir ike̱ng ikak baꞌ. Di yin kazatse cice̱r ta kuus kama wu.”

Itomong Ámanzo 8:13

aSiman be rice wu ti no̱o̱k katsak natoon rife̱'me yong a tú nye abatisma. Ne a kuus aFilibus koake̱, a te zhing be ike̱re̱ azhing ife wu tá di aFilibus tá nye.

Ike̱ng a ta tonong aYohana 13:12

Ku ti nye itomong be kukyem kukewum kufe ime̱se̱ng'e ame. Ku bun sak kazatse ne áner á ta se kaye̱e̱r kazatse ta ya kukewum kufe ime̱se̱ng'e ame iben, ku ya kufor rice'me tá te kutser.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 17:10

Ace kanataar'e nye ágwo̱m kanataar, atoon kaye̱e̱r ba n kus, azining kuse, akak rusek a ta ra be̱. Izen iya ayong'e tana be̱, a ta nye rigwo̱m nizen cie̱k tsek.

Ike̱ng a ta tonong aYohana 17:11

Kukewum kuya ku ta tsang ku kuse gbugbang ame, ku tá ra ba kuse baꞌ, ne ku nye agwo̱m afe ikara'me. Wu ti se kaye̱e̱r ágwo̱m kanataar á tá wuruk ame, á tseng á be nuwei.

Ike̱ng a ta tonong aYohana 17:13

Ba kuso̱k'ong, kuto̱ro̱ng ba se kuzining, á no̱o̱k kukewum kuseng'e kukyem ba be rigwo̱m ba.

Ike̱ng a ta tonong aYohana 17:17

Kamok Adakunom sak naye̱ ba nong á ta shining ike̱ng iya wu tá shim. Ba tá shim a tá no̱o̱k kukewum'me kukyem ba nong a tin nye rigwo̱m ma izen iya a tana shining ike̱ng iya Adakunom ta fe̱.

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.