Ike̱ng a ta tonong aYohana 13:2 - Izere New Testament

² Ikewum mi tá di'me tas ici kase̱m. Amma agbang atas atak'e tas afe aBeyar, kanu'me se kyo̱ndi kafe azaki. Kuwhen ame no̱o̱k ikewum'e agap wu be itsik rigwo̱m wu ne agbang kukyem wu.

Ike̱ng a ta tonong aYohana 13:2 Iomraidhean Croise

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

Ike̱ng a ta tonong aYohana 12:13

Nizen iya Kuwhen'e tá di a tu barak kaben, iyong a tikup na abining'e afe a tá tes igon kamitek'e ame.

Ike̱ng a ta tonong aYohana 12:15

Iyong Kuwhen ame kos ashi nanu wu kyo̱ndi ashi isho̱ng nong a tá wo̱k ye nong a tá se̱ ashi'me tá sok abining'e.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 13:12

Ku ti nye itomong be kukyem kukewum kufe ime̱se̱ng'e ame. Ku bun sak kazatse ne áner á ta se kaye̱e̱r kazatse ta ya kukewum kufe ime̱se̱ng'e ame iben, ku ya kufor rice'me tá te kutser.

Ike̱ng a ta tonong aYohana 13:4

Ánerawe ya Kuwhen ame iben kamok wu ne a no̱o̱k kukewum'me kukyem wu. Ánerawe ya kukewum'me iben gip ne á fe̱ ye, “Angan se kyo̱ndi kukewum na e̱? Angan ta kyem a ko̱n itsom be wu e̱?”

Ike̱ng a ta tonong aYohana 16:10

Amaleka afe atoon tseng a tá se korok ike̱ng iya i ta se kaye̱e̱r kakereng kafu ni itsik rigwo̱m kukewum ame yong awhi whe̱e̱n rigwo̱m kukewum'me cei. Ánerawe ros irem ba be kuro̱'me,

Ike̱ng a ta tonong aYohana 17:12

“Atom kuso̱k wan ta di'ong nye ágwo̱m kuso̱k, áfe a tan se̱ rigwo̱m nizham baꞌ. Amma a tù ku te ba rigwo̱m rife̱ awa azining mak be kukewum kuseng ame.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 20:2

Ayong a yiir kuwhen ame, kugbazen kuwhen ame, wu ne a ta nye Amaan Aner ka Ishetan ayi. Amaleka ame tú ku rosom ma aye̱ izungu izining.