Ike̱ng a ta tonong aYohana 13:14 - Izere New Testament

¹⁴ A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 13:14 Iomraidhean Croise

2 aTasalonika 2:4

A ta rawu Adakunom ne a tiyiik rice wu natoon koakye kuri ike̱ng ife ánerawe ta yis ye Adakunom ka iya a tu ku ya iben ayi. A tà sok rice wu naza nutu kuya Adakunom iben ne a yis rice wu ye wu nye Adakunom.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 13:1

Ne mi di kukewum kukak ku ta sen wuruk kaye̱e̱r agbang kudung. Kukewum'me be átom kuso̱k be ace kanataar ne abong rigwo̱m kuso̱k natoon átom wu'me. A ti zibir riyerek kuzhe̱e̱sh Adakunom natoon koakye rice'me.

Ike̱ng a ta tonong aYohana 13:15

Á tu no̱o̱k kukyem nong a tin fe̱e̱p isong nike̱ng'e nong ase̱ ku ta kyem ku fe̱ kanu ne ku sak a ta fe̱r koangan a ta gaar ku kuya iben.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 14:11

Itsing kuro̱ng kuya a tana ku no̱o̱k mo ba risam'me ngarak naza ma izen izen. Koangan áner aya a tà ya kukewum ame iben ka ike̱ng iya i tù ku tas iben ne a tú ku tse̱k ba izizo̱ riyerek ikewum'e, á ta so̱ risam katuk be kunom dar gang.”

Ike̱ng a ta tonong aYohana 14:9

Ayong amaleka afe ataar bun a gor nama afe afa ame. Amaleka'me fe̱ be agbang kuto̱ ye, “Aner aya a ta ya kukewum na iben ka ike̱ng iya i ta tas kukewum'me ne a shim a tu ku tse̱k izizo̱ wu nubo̱k ka nati ayi,

Ike̱ng a ta tonong aYohana 15:2

Iyong mi di ike̱ng ikak i ta se kyo̱ndi kudung agilas a tá min kare̱ be kuro̱ng. Ne mi di áner a tá canang ikewum ame be ike̱ng i tú ku tas ne izizo̱ riyerek wu ame, ba se nuyeseng nukim agbang kudung'e. Á se be ízom Adakunom tá ka nyesek ba.

Ike̱ng a ta tonong aYohana 16:13

Ne mi di amaan nabik nataar kyo̱ndi ákpabor tá wuruk nanu kuwhen ame, be nanu kukewum ame ne nanu aner kuzarap afe abo̱o̱s.

Ike̱ng a ta tonong aYohana 16:2

Ayong amaleka afe ime̱se̱ng'e tseng a ta se korok ike̱ng iya i ta se kaye̱e̱r kakereng kafu kaye̱e̱r kazatse'me. Ayong amaan ifor i ta ro̱ dide̱ng ti wuruk niro̱m áner á ta be izizo̱ kukewum ame be áya a tá ya ike̱ng iya i tú ku tas iben.

Ike̱ng a ta tonong aYohana 18:23

Akanang ta ba ya kaye̱e̱r kuwo̱p'e baba baꞌ. A tà ba fok akak ta sen nye riye̱ rikan kuwe̱ne̱ng kufas baba baꞌ. Agbang ázhik wan ne á nye ágbang áner kaye̱e̱r kazatse. Wan ne i bun i wo̱ro̱k ánerawe kazatse be kubok wan.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.