Ike̱ng a ta tonong aYohana 12:9 - Izere New Testament

⁹ Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 12:9 Iomraidhean Croise

aMatiyu 13:39

Ne amudo̱n aya a ta nas naya'me nye Ishetan. Ishamang'e nye izen afe kazatse tana gang, ne áfe kutse̱k'e nye ámaleka.

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 4:1

Iyong Kabik Kazhe̱l tseng be aYeso kaye̱e̱r katse ne Ishetan su ku bo̱mo̱ng.

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

aMatiyu 4:5

Ne Ishetan ame tseng be wu kaye̱e̱r kuwo̱p aUshalima kuzhe̱l'e ne a ku sak a ta nyeseng naro̱ ka ta se ring ring natoon agbang kutu kuya Adakunom iben.

aMatiyu 4:8

Ne Ishetan ame bun a tseng be wu natoon rifan ri ta se garang dide̱ng gbak, nong a tú ku tosong rigwo̱m kazatse ne kuyiik'e cice̱r.

aLuka 10:18

Ayong aYeso fe̱ be ba ye, “Mi di Ishetan ta samang a ta kpa ni itsik wu kyo̱ndi iza ta tarang karo̱.

aLuka 13:16

To̱, gye̱r ke a sak abining na a ta nye abafe kasa Ibrahim, afe Ishetan tá roos aye̱ kuso̱k be ikara, ta te atser katuk Asabar nong a tà kam be risam aꞌa?”

aLuka 22:3

Iyong Ishetan no̱ kaye̱e̱r riye̱ aYahuza, aya a tú ku yis ye Iskariyot, a tá nye azining kaye̱e̱r álimazhiri kuso̱k be afa.

aLuka 22:31

aYeso fe̱ ye, “aSiman, aSiman, Ishetan n se̱ iren nong a ta ka bo̱mo̱ng yin cei, kyo̱ndi a ta tas alikama.

aLuka 8:12

Ífe i tá kpas niren nye ánerawe aya á tá fok rife̱ Adakunom, ne Ishetan be̱ ne a kok rife̱'me kaye̱e̱r aye̱ ba, fan á bu no̱o̱k katsak nong á tà se̱ kashesh.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 16:11

kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Itomong Ámanzo 5:3

Ayong aBitrus fe̱ be wu ye, “Ananiya, akye̱ sak wan won Ishetan tá no̱ kaye̱e̱r riye̱ wan ma a tá ka sak wan bo̱ Kabik Kazhe̱l'e abo̱o̱s i tá sak ribir itso̱m karo̱ wan tá re̱p nukim e̱?

aRom 16:18

Kamok sang áner kuri ayong nye Agwo̱m Ágwo̱m yir aKiristi itomong baꞌ. Á nye nafa ba'me tsek. Á ren kanu ne á fe̱ re̱m re̱m ne á ti wo̱ro̱k ánerawe aya sang a ta ren ike̱ng ikak natoon'e baꞌ.

aRom 16:20

Adakunom afe a ta nyesek kameneng riye̱ tà me̱re̱sh Ishetan sang be kubeseng izen baꞌ. Won ritek Agwo̱m Ágwo̱m yir aYeso tu se mak be yin.

2 aKoranti 11:14

I nye ike̱ng azhing baꞌ, kamok Ishetan be rice wu gip, a sok rice wu kyo̱ndi amaleka akanang.

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

2 aKoranti 12:7

Nong fan mi bin ya kuka be ayiik ike̱re̱ mi tá dis'ong, ayong a ti tomong ike̱ng ikak kyo̱ndi ikiritsan kaye̱e̱r kuro̱m'i. Iyuna se kyo̱ndi aner kutom Ishetan nong a ta yiir ni nyesek risam.

2 aKoranti 2:11

Mi nye anong fan Ishetan bu se̱ i ren kaye̱e̱r yir. Kamok yir ren yir iren ritse̱ng wu ta kuus.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

2 aTasalonika 2:3

Sang tu won yin aner akak ta ka wo̱ro̱k yin niren ikak baꞌ, kamok kunom kube̱ aYeso'me ta nye baꞌ, ma ánerawe whe̱re̱ raba Adakunom ne agwo̱m kushonong be̱ nizham, wu nye aner aya a tá tsang a sak ye a tù ku shosh.

1 aTimoti 2:14

Sang Adamu ne a tú ku wo̱ro̱k ni ime̱se̱ng'e baꞌ, amma abining'e ne a tú ku wo̱ro̱k ma rine̱n no̱.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

aZhud 1:9

Amma aMakel, a tá nye ako̱k kasho̱o̱n ámaleka, nizen iya a tin ko̱n natoon kukom aMusa be Ishetan gip, a fe̱ ike̱ng ikak imaan'e natoon wu baꞌ. Amma a fe̱ be wu, ye, “Agwo̱m Ágwo̱m ta ka tigba!”

Ike̱ng a ta tonong aYohana 12:12

Kamok anong, nye yin riye̱ rikan naza ne áya a ta sor kaye̱e̱r'e. Amma awo̱ be kazatse ne agbang adung, kamok Amaan Aner n tiik kaye̱e̱r yin. Riye̱ wu kun fuus kamok a ren ye izen wu ba gop baꞌ.”

Ike̱ng a ta tonong aYohana 12:3

Kuke̱ng kukak bun ku wuruk naza gbak. Kuke̱ng'e nye kukewum kukak kuseng ku ta se zhirim kyo̱ndi Kuwhen ku be ace kanataar be atom kuso̱k be abong rigwo̱m kanataar natoon ace'me.

Ike̱ng a ta tonong aYohana 12:7

Ayong a kpaan itsom naza, aMakel be Ámaleka wu ko̱n itsom be Kuwhen ame, ne Kuwhen'e be ámaleka afu ko̱n be ba gip.

Ike̱ng a ta tonong aYohana 12:8

Amma agap Kuwhen'e raar yong á ta ya ba ni itsom'e ne á ku ro ba kaye̱e̱r kaza.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

Ike̱ng a ta tonong aYohana 18:2

A ta kuto̱ naza a tá fe̱ ye, “Kun kpa, ayiik kuwo̱p aBabila n kpa! Kun te karo̱ ítseng tu ku sor ne kasa koakye kuri amaan kabik be karo̱ kusor koakye kuri akpe̱rde̱k nanon naya na ta se kye̱re̱.

Ike̱ng a ta tonong aYohana 18:23

Akanang ta ba ya kaye̱e̱r kuwo̱p'e baba baꞌ. A tà ba fok akak ta sen nye riye̱ rikan kuwe̱ne̱ng kufas baba baꞌ. Agbang ázhik wan ne á nye ágbang áner kaye̱e̱r kazatse. Wan ne i bun i wo̱ro̱k ánerawe kazatse be kubok wan.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:24

Amma yin ribir'e, i ta se yin na aTiyatira, i ta kuus yin kubo̱so̱p wu baꞌ, yin bo̱so̱p yin ike̱re̱ iya á ta yis ye, Ike̱re̱ Ishetan i ta se tsik, baꞌ. Mi shim tà ka tak yin ye, mi ta ka no̱o̱k yin acer akak baꞌ.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 20:8

a tà wo̱ro̱k ánerawe cice̱r nikes kazatse inaas a ta yis ye aGok be aMagok. Ishetan tà ka tusung ba naro̱ kazining nong a tà ko̱n itsom. Rigwo̱m ánerawe'me ta se kyo̱ndi rize̱k isho̱ng.

Ike̱ng a ta tonong aYohana 3:9

Mi tà sak áner Ishetan, áya a tá fe̱ ye ba nye áner aYahuda, amma sang á ra nye baꞌ, á be abo̱o̱s, mi tà ka sak ba á ta be̱ kpas natak wan ne á ren ye mi ta shim.

Ike̱ng a ta tonong aYohana 9:1

Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.

Ike̱ng a ta tonong aYohana 9:20

Ribir ánerawe áfe sang á ta ka fe̱s ba be amaan ike̱re̱'ong baꞌ, gaar kushishing kuse ba nong á tà kam be ike̱re̱ ba tá nye be ibo̱k ba. Á ya kasho̱o̱n be kuya amaan nabik iben ne ike̱re̱ ba ta nye be izinariya ne azurfa be atso̱m ne ata be ikon ba tá nye be ibo̱k ba. Ike̱re̱'ong di karo̱ baꞌ, i fok kuto baꞌ, i kyem i tseng baꞌ.