Ike̱ng a ta tonong aYohana 12:7 - Izere New Testament

⁷ Ayong a kpaan itsom naza, aMakel be Ámaleka wu ko̱n itsom be Kuwhen ame, ne Kuwhen'e be ámaleka afu ko̱n be ba gip.

Ike̱ng a ta tonong aYohana 12:7 Iomraidhean Croise

aMatiyu 13:41

Igon Anerawe tà tom ámaleka wu, á tù ku tusung cice̱r áfe a ta sak ánerawe tá nye rine̱n ne áya a tà nye amaan kunye cice̱r.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 24:31

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 26:53

Yin di yin ye mi ta kyem i fe̱ be Ada mi nong a tin se̱ mo aꞌa? Ne a wor a tom ámaleka wu na ágwo̱m kuso̱k be afa.

2 aKoranti 12:7

Nong fan mi bin ya kuka be ayiik ike̱re̱ mi tá dis'ong, ayong a ti tomong ike̱ng ikak kyo̱ndi ikiritsan kaye̱e̱r kuro̱m'i. Iyuna se kyo̱ndi aner kutom Ishetan nong a ta yiir ni nyesek risam.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.

Ibrani 2:10

Adakunom ne a nye koakye, kamok wu ne koakye kuse. Kamok anong ke i nye ye Adakunom be̱e̱n inoon wu whe̱re̱ kuyiik, i ta se gye̱r a ta tiyiik ako̱k kasho̱o̱n kashesh ba. A nye anong be risam aYeso tá so̱.

2 aBitrus 2:4

Ko ámaleka agbugbang, nizen á tá nye rine̱n, Adakunom tá won ba kyo̱o̱n baꞌ, a tú ku barak ba kaye̱e̱r ribong kuro̱ng. A tú rosom ba kaye̱e̱r ibong i tá se tsik ne i se whi. Á ta tor kunom amok.

aZhud 1:9

Amma aMakel, a tá nye ako̱k kasho̱o̱n ámaleka, nizen iya a tin ko̱n natoon kukom aMusa be Ishetan gip, a fe̱ ike̱ng ikak imaan'e natoon wu baꞌ. Amma a fe̱ be wu, ye, “Agwo̱m Ágwo̱m ta ka tigba!”

Ike̱ng a ta tonong aYohana 12:8

Amma agap Kuwhen'e raar yong á ta ya ba ni itsom'e ne á ku ro ba kaye̱e̱r kaza.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 20:2

Ayong a yiir kuwhen ame, kugbazen kuwhen ame, wu ne a ta nye Amaan Aner ka Ishetan ayi. Amaleka ame tú ku rosom ma aye̱ izungu izining.