Ike̱ng a ta tonong aYohana 12:3 - Izere New Testament

³ Kuke̱ng kukak bun ku wuruk naza gbak. Kuke̱ng'e nye kukewum kukak kuseng ku ta se zhirim kyo̱ndi Kuwhen ku be ace kanataar be atom kuso̱k be abong rigwo̱m kanataar natoon ace'me.

Ike̱ng a ta tonong aYohana 12:3 Iomraidhean Croise

Ike̱ng a ta tonong aYohana 12:1

Ayong agbang ike̱ng azhing ikak wuruk natoon kaza. Ike̱ng'e nye abining akak a tá sok kunom a tin nye ares ne kufe̱n nabas atak wu. Ribong rigwo̱m wu nye ádar kuso̱k be afa.

Ike̱ng a ta tonong aYohana 12:13

Nizen iya Kuwhen'e tá di a tu barak kaben, iyong a tikup na abining'e afe a tá tes igon kamitek'e ame.

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

Ike̱ng a ta tonong aYohana 12:4

Kurum'e re̱ng ádar kaza abas azining kaye̱e̱r ataar a tá korok kaye̱e̱r kazatse. Ne Kuwhen ame nyeseng nasho̱o̱n abining ame a tan be̱ barak a ta tes nikum a ta wor a wo̱no̱ng igon abining'e nizen iya a tana tes.

Ike̱ng a ta tonong aYohana 12:7

Ayong a kpaan itsom naza, aMakel be Ámaleka wu ko̱n itsom be Kuwhen ame, ne Kuwhen'e be ámaleka afu ko̱n be ba gip.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

Ike̱ng a ta tonong aYohana 13:1

Ne mi di kukewum kukak ku ta sen wuruk kaye̱e̱r agbang kudung. Kukewum'me be átom kuso̱k be ace kanataar ne abong rigwo̱m kuso̱k natoon átom wu'me. A ti zibir riyerek kuzhe̱e̱sh Adakunom natoon koakye rice'me.

Ike̱ng a ta tonong aYohana 13:2

Ikewum mi tá di'me tas ici kase̱m. Amma agbang atas atak'e tas afe aBeyar, kanu'me se kyo̱ndi kafe azaki. Kuwhen ame no̱o̱k ikewum'e agap wu be itsik rigwo̱m wu ne agbang kukyem wu.

Ike̱ng a ta tonong aYohana 13:4

Ánerawe ya Kuwhen ame iben kamok wu ne a no̱o̱k kukewum'me kukyem wu. Ánerawe ya kukewum'me iben gip ne á fe̱ ye, “Angan se kyo̱ndi kukewum na e̱? Angan ta kyem a ko̱n itsom be wu e̱?”

Ike̱ng a ta tonong aYohana 15:1

Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

Ike̱ng a ta tonong aYohana 16:13

Ne mi di amaan nabik nataar kyo̱ndi ákpabor tá wuruk nanu kuwhen ame, be nanu kukewum ame ne nanu aner kuzarap afe abo̱o̱s.

Ike̱ng a ta tonong aYohana 17:12

“Atom kuso̱k wan ta di'ong nye ágwo̱m kuso̱k, áfe a tan se̱ rigwo̱m nizham baꞌ. Amma a tù ku te ba rigwo̱m rife̱ awa azining mak be kukewum kuseng ame.

Ike̱ng a ta tonong aYohana 17:16

Kukewum kuseng'e ne átom kuso̱k'ong tà naka sak be inyak agwo̱m'me baꞌ. A tà turung koakye a tá be nong a tù ku won ica'me. Á tà ya rinam wu ne a ku shosh be kuro̱ng.

Ike̱ng a ta tonong aYohana 17:7

Ayong amaleka'me fe̱ be mi ye, “Kamok akye̱ ne wan fok azhing e̱? Mi tà ka te̱s ikpang abining na ne afe kukewum wu tin ngarak na, i ta be ace kanataar be atom kuso̱k.

Ike̱ng a ta tonong aYohana 19:12

Anyisi wu se kyo̱ndi rigyem kuro̱ng, abong rigwo̱m whe̱re̱ se natoon rice wu. A be riyerek rikak ni izibir, riya sang akak ta kyem a ren baꞌ, ma wu ze̱r tsek.

Ike̱ng a ta tonong aYohana 20:2

Ayong a yiir kuwhen ame, kugbazen kuwhen ame, wu ne a ta nye Amaan Aner ka Ishetan ayi. Amaleka ame tú ku rosom ma aye̱ izungu izining.