Ike̱ng a ta tonong aYohana 11:9 - Izere New Testament

⁹ Kaye̱e̱r inom itaar be ribir, ánerawe koakye be irem ze̱r ze̱r ne izere ze̱r ze̱r ne iwo̱p ze̱r ze̱r tà be̱s á tà ye̱re̱k ikom'e ma a ta roon'e ye sang á tu ku ne̱se̱k ba baꞌ.

Ike̱ng a ta tonong aYohana 11:9 Iomraidhean Croise

aMatiyu 7:2

Kamok amok kuri amok afe yin tá to̱ yin ánerawe'me, kuri ayong ne a tà ma ka to̱ yin'e gip. Kuri kures afe yin ti maas yin ánerawe'me, kuri kuyong ne a tà ma ka maas ko yin'e gip.

Ike̱ng a ta tonong aYohana 10:11

Ayong a bun a ti tak ye, “Wan ta bun i zarap natoon ánerawe whe̱re̱ be iwo̱p whe̱re̱ ne írem ze̱r ze̱r ne ágwo̱m ze̱r ze̱r.”

Ike̱ng a ta tonong aYohana 11:11

Amma nama inom itaar be ribir'e, isong iya i ta nyeseng kutser tà ne nufe Adakunom i titiik niba. Iyong á wor á dorok be kutser. Koangan afe a tú ku di ba be kutser fok inyim makiyi.

Ike̱ng a ta tonong aYohana 13:7

A tu ku no̱o̱k kukyem a tanin ko̱n itsom be ázhe̱l'e ne a ka canang ba. A tu ku no̱o̱k kukyem natoon koangan irem be koakye kuri anerawe be koakye kuri izere ne koakye kuri karo̱.

Ike̱ng a ta tonong aYohana 17:15

Ayong amaleka'me fe̱ be mi ye, “Isho̱ng na wan ta di aya inyak agwo̱m na ta min sonong, nye ánerawe rigwo̱m'e be iwo̱p ze̱r ze̱r ne ízere iriri'me.

Ike̱ng a ta tonong aYohana 5:8

Nizen iya a ta sok kukpa, ikewum inaas ife kutser ame ne áko̱k kasho̱o̱n iso̱k ifa be anaas ame kpas kaben nasho̱o̱n Aturuk'me. Koangan be izom wu ne kakereng izinariya nafe name iko̱o̱n itek kaye̱e̱r'e. Name'me sor kyo̱ndi aduwa ázhe̱l'e.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.