Ike̱ng a ta tonong aYohana 11:19 - Izere New Testament

¹⁹ Iyong agbang kutu kuya Adakunom iben ku ta se kaye̱e̱r kaza karak ne mi di akpate kushu Adakunom kaye̱e̱r'e. Ne akanang akak wuruk be riwo̱ng ne kutasak iza be kuzuur kaben ne agbang rikarang.

Ike̱ng a ta tonong aYohana 11:19 Iomraidhean Croise

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 12:1

Ayong agbang ike̱ng azhing ikak wuruk natoon kaza. Ike̱ng'e nye abining akak a tá sok kunom a tin nye ares ne kufe̱n nabas atak wu. Ribong rigwo̱m wu nye ádar kuso̱k be afa.

Ike̱ng a ta tonong aYohana 16:1

Iyong mi fok kuto̱ kukak be agap ku tá yis kaye̱e̱r agbang kutu kuya Adakunom iben'e, ku ta sen fe̱ be ámaleka kanataar ame ye, “Tseng yin ta se korok yin kazatse nakereng kanataar nafe riye̱ kubeseng Adakunom na.”

Ike̱ng a ta tonong aYohana 16:18

Iyong karo̱ kpaan ku gye̱se̱m berep berep kyo̱ndi iza ta tarang karo̱, be kutasak ne akparam, ne kaben zuur dide̱ng. Kum Adakunom tá nye anerawe, kaben kun zuur anong baꞌ, kuzuur kaben'e wor ka nar agap.

Ike̱ng a ta tonong aYohana 16:21

Agbang rikarang riya ri ta gaar dide̱ng wuruk naza ri ti kpas natoon ánerawe ma ánerawe fiming riyerek Adakunom kamok amaan risam rikarang'e ta nar agap.

Ike̱ng a ta tonong aYohana 19:11

Mi di kaza nukarak ne i di itsaap ikan nunyeseng. A yis aner aya a tin ngarak natoon itsaap'e ye Aner Katsak be Katsak. A to̱ amok natoon katsak ne a nye itsom kamok katsak.

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”

Ike̱ng a ta tonong aYohana 4:5

Itsik rigwo̱m i ta se natite'me yiir berep kyo̱ndi akanang iza tá tarang karo̱ be kutasak. Iro̱ng apitila kanataar tuse azong i ta gye̱se̱m nasho̱o̱n itsik rigwo̱m'e, Iro̱ng iyong nye nabik Adakunom kanataar.

Ike̱ng a ta tonong aYohana 7:15

Kamok anong, “ba sor nasho̱o̱n itsik rigwo̱m Adakunom ne á ku ya iben katuk be kunom nagbang karo̱ ku kuya iben. Aner a ta sonong ni itsik rigwo̱m'e ta tarak ikpaar wu natoon ba koakye izen.

Ike̱ng a ta tonong aYohana 8:5

Ayong amaleka'me sok kures aturari ame, a tin shining be kuro̱ng natoon abagadi ame nong a tá misik nazatse. Ne akparam tar ne karo̱ nye berep be akanang kyo̱ndi iza ta tarang karo̱ ne kaben zuur gip.

Ike̱ng a ta tonong aYohana 8:7

Nizen amaleka afe ime̱se̱ng'e tá fe̱e̱p rigba rifu ne rikarang be kuro̱ng ku tin kare̱ be naso̱k kpas nazatse. Kuro̱ng'e ya kukyes kuzining kaye̱e̱r itaar ife kazatse, anong ne nakon be agam ashirim kuro̱ng'e ya cei.