Biblia Todo Logo
Bìoball air-loidhne

- Sanasan -




Ike̱ng a ta tonong aYohana 11:15 - Izere New Testament

15 Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Faic an caibideil Dèan lethbhreac




Ike̱ng a ta tonong aYohana 11:15
54 Iomraidhean Croise  

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.


Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’


A tin i nye rigwo̱m nasa aYakub ma izen izen, rigwo̱m wu tà gang ze̱e̱r baꞌ.”


Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”


A tseng'e kari a tà se yis áferime̱ wu be áfe abubarak be wu naro̱ kazining ne a fe̱ ye, ‘Ni se̱ mo yin riye̱ rikan, mi n se̱ itsamang'i iya i tá titei ame.’


Ágwo̱m kazatse n nye kanye̱k kuren, áko̱k kasho̱o̱n ba se natoon'e, a raba Agwo̱m Ágwo̱m ne aKiristi wu tá kasa.’


A fe̱ natoon Igon'e ye, “Itsik rigwo̱m wan, Adakunom, tà sor ma izen izen. Katsak ne ka ta nye ishe̱n rigwo̱m wan.


Amma nizen iya amaleka afe kanataar tana fe̱e̱p rigba rifu, nizen iyong ne Adakunom ta taas koakye ike̱ng wu ta tsang a fe̱ be áner kuzarap wu.”


Iyong mi fok kuto̱ kukak kanang natoon kaza ku ta fe̱ ye, “Kyo̱o̱rname, kashesh be kukyem ne rigwo̱m Adakunom yir ne kukyem aKiristi wu m be̱. Kamok an barak aner aya a tá tsees kukun áronyining yir kaben, wu aya a ta yiir nye kukun áronyining yir nasho̱o̱n Adakunom katuk be kunom.


Angan ne a ta fok inyim wan baꞌ, agbang Agwo̱m Ágwo̱m a tana won dar a tiyiik riyerek wan e̱? Kamok wan ze̱r tsek ne i se zhe̱l. Ánerawe kazatse cice̱r ta be̱s á ta ka ya iben kamok wan tonong ye kunye wan nye kufe katsak.”


Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”


A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”


Nama anong ne mi fok kuto̱ kukak kyo̱ndi riwo̱ng ánerawe whe̱re̱ kaye̱e̱r kaza ta tasak ne á fe̱ ye, “Adide̱nge̱ng Adakunom, kashesh be kuyiik ne kukyem nye kufe Adakunom yir.


Iyong mi bun i fok kuto̱ kukak kyo̱ndi riwo̱ng rigwo̱m ánerawe, kyo̱ndi ashi ta wo̱k, kyo̱ndi iza ta tasak. Mi fok á ta fe̱ ye, “Adide̱nge̱ng Adakunom! Kamok Ada Adakunom yir ayiik'e ne a se be rigwo̱m.


Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.


Amaleka afe anaas fe̱e̱p rigba rifu, ne abas azining kaye̱e̱r ataar afe kunom te whi, anong ne kufe̱n ne ádar te whi gip. Abas azining kaye̱e̱r ataar afe kuwoso se whi anong ne katuk te dar kufe̱n.


Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.


Amaleka afe igataar'e fe̱e̱p rigba wu ne mi fok kuto̱ kukak tá wuruk nikes inaas ife abagadi izinariya ame nasho̱o̱n Adakunom.


Lean sinn:

Sanasan


Sanasan