Ike̱ng a ta tonong aYohana 11:12 - Izere New Testament

¹² Ayong áner kuzarap afa ame ta fa fok kuto̱ kukak be agap ku ta wuruk kaye̱e̱r kaza ku ta fe̱ be ba ye, “Ngarak yin aze.” Ayong á ngarak naza kaye̱e̱r ane̱n ne ámudo̱n ba ka ye̱re̱k ba.

Ike̱ng a ta tonong aYohana 11:12 Iomraidhean Croise

aLuka 16:23

Arum'e tseng naro̱ kaya áya a tá kus tú ku tsees, a se no̱ kaye̱e̱r amaan risam azong. A tá fa sok rice naza, ne a di Ibrahim mak be aLazarus gugo̱k be wu.

Itomong Ámanzo 1:9

Nama aYeso tá fe̱ anong ne a ku sok a tá tseng kaye̱e̱r kaza ne ba ye̱re̱k. Kune̱n tú ku kis, á ba kyem a tú ku di baꞌ.

1 aTasalonika 4:17

Nama anong, yir áya i ta rusek yir be kutser tà dorok yir naza nong tà nyim yir mak be ba kaye̱e̱r ane̱n naza nong tà sor yir be Agwo̱m Ágwo̱m yir ma izen izen.

Ike̱ng a ta tonong aYohana 12:5

Abining'e tes igon kamitek'e aya a tana nye rigwo̱m natoon ánerawe kazatse cei. A tà nye rigwo̱m'e be ishe̱n kutso̱m. Amma a ti shan igon'e zhar a tà tseng'e naza nufe Adakunom naro̱ itsik rigwo̱m wu.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”