Ike̱ng a ta tonong aYohana 1:9 - Izere New Testament

⁹ Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 1:9 Iomraidhean Croise

aMatiyu 20:23

Ayong aYeso fe̱ be ba ye, “Yin ta so̱ yin gye̱r, amma kusor nubo̱k riya ka nubo̱k rimen, i nye karo̱ mi tana no̱o̱k akak baꞌ. Ada mi ne a nye karo̱ kayong kamok áya wu tá tsang a kasa.”

aMarkus 10:39

Ayong ba fe̱ ye, “Yir ta kyem yir.” Ne aYeso fe̱ be ba ye; “Be kures mi tanin so̱ ne yin tin so̱ yin, ne a ka nye yin abatisma a tanin nye'me.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aRom 8:25

Amma ke yir min te yir riye̱ nike̱ng iya sang yir tan se̱ yir nizham baꞌ, yir naka tsesek yir ta tor yir.

2 aKoranti 1:7

Kamok anong, yir ti be yir agak riye̱ ni yin baꞌ, kamok yir ren yir ye yin so̱ yin kuri risam afe yir ta so̱ yir, yin gip ta ma se̱ yin kuri kutsesek afe yir ta se̱ yir.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

aFilipi 4:14

Amma yin nye yin gye̱r i tin tobok yin kaye̱e̱r risam mi.

2 aTasalonika 3:5

Won Agwo̱m Ágwo̱m tu sak yin tu ren yin agbang kushim Adakunom ne kutsesek kuya ku ta nes nufe aYeso Kiristi.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 1:2

aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

Ike̱ng a ta tonong aYohana 1:4

Mi aYohana, ne i sen ka zibir yin'e, naro̱ kuya Adakunom iben kanataar a ta se niben Asiya. Ritek be kameneng riye̱ Adakunom aya a ta se kyo̱o̱rna, wu ne a tú ku se gbugbang, wu ne a tana bun a be̱, ne nabik kanataar na ta se nasho̱o̱n itsik rigwo̱m Adakunom.

Ike̱ng a ta tonong aYohana 1:6

Wu ne a bun a tin sak yir i ta te yir áner aya wu tin nye rigwo̱m ne i te yir átsi kunye Adakunom a ta nye Ada itomong. Kamok anong won kuyiik be kukyem tu sor kufu ma izen izen. Anong!

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”