Ike̱ng a ta tonong aYohana 1:2 - Izere New Testament

² aYohana taas koakye ike̱ng wu tá di gye̱r. Itak'e nye rife̱ Adakunom ne itak natoon aYeso Kiristi.

Ike̱ng a ta tonong aYohana 1:2 Iomraidhean Croise

aYohana 1:32

Ayong aYohana no̱o̱k a sheda na ye, “Mi di Kabik Kazhe̱l'e ta ne naza kyo̱ndi abo̱p ka tin tiik natoon wu.

aYohana 12:17

Áner aya a tá se be aYeso nizen iya a tá yis aLazarus nure̱k, a tú ku dorok be kutser. Á yiir itaas ánerawe ike̱ng aYeso tá nye.

aYohana 19:35

Aner aya a tá di ike̱ng'e, a fe̱ ye i se anong. Ike̱ng iya a tá fe̱'me nye katsak. Wu be rice wu gip ren ye wu fe̱ katsak, a fe̱ anong, nong yin gip tin no̱o̱k yin katsak.

aYohana 21:24

Ayu ne a nye alimazhiri'me aya a ta sen fe̱ itak natoon ike̱re̱ na, ne a bun a te ni izibir. Yir ren yir ye rife̱ wu nye katsak.

aYohana 3:11

Katsak'e ne mi ta ka tak, yir fe̱ yir natoon ike̱re̱ yir ta ren yir, ne iya yir ta di yir, gip be anong yin ti no̱o̱k yin katsak nike̱ng ife yir ta fe̱ yir baꞌ.

Itomong Ámanzo 22:15

Kamok wan tà sor asheda wu nufe ánerawe cice̱r natoon ike̱ng iya wan tá di ne i fok.

Itomong Ámanzo 26:16

Amma dorok nyeseng. Mi ti wuruk ni wan nong ta ka sak ta te aner itomong'i, ne i ta taas ike̱re̱ iya wan tá di natoon'i katuur be iya mi tana ka tonong nasho̱o̱n.

Itomong Ámanzo 4:20

Kamok yir ta kyem i te yir gbik natoon ike̱ng ife yir ta di yir ne i fok yir baꞌ.”

1 aKoranti 1:6

Kamok ike̱re̱ iya yir tá fe̱ yir natoon aKiristi, a di kaye̱e̱r kuse yin.

1 aKoranti 2:1

Ároneng, nizen iya mi tá be̱ nufe yin i tá ka taas yin katsak Adakunom kaya ka ta se nune̱re̱ng, sang mi be̱ be kuren kanu ka be kutonong kukyem baꞌ.

1 aYohana 1:1

Yir sen ka zibir yin rife̱ na natoon aYeso Kiristi aya a ta nye Rife̱ Kutser. A tuse kum nizen iya a tá nye kazatse. Yir fok yir rife̱ wu ne yir ku di yir, yir tú ku ye̱re̱k yir be anyisi yir ne yir ku ras yir be ibo̱k yir.

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

3 aYohana 1:12

Koangan naro̱ kuya Adakunom iben yin fe̱ ye aDemetiriyus be kuse kutek, ne a nye kusor ku ta tonong ye wu ren katsak. Yir aze gip yir fe̱ yir itak wu, yin ren yin ye ike̱re̱ yir ta fe̱ yir nye katsak.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 22:21

Ritek Agwo̱m Ágwo̱m yir aYeso ra sor mak be áner á ta nye áfe Adakunom. Anong!

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.