Ike̱ng a ta tonong aYohana 1:18 - Izere New Testament

¹⁸ Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 1:18 Iomraidhean Croise

aMatiyu 11:23

Be wan kuwo̱p aKapanum gip, wan di ye, a ta ka te yiik ma naza a? Wayo, a ta te be wan fe̱re̱ ma naro̱ áfe a tá kus tu ku se. A fa fe̱ ye, a nye kuri itomong azhing a tá nye nufe yin kaye̱e̱r kuwo̱p aSodom, ke ku ruresek ma kyo̱o̱rna.

aMatiyu 16:19

Mi tà ka no̱o̱k akarak kanukutu rigwo̱m kaza. Ike̱ng iya ne wan ros nazatse i ta se nurosom kaye̱e̱r kaza. Ike̱ng iya ne wan bisik nazatse i ta se nubisik kaye̱e̱r kaza.”

aLuka 24:5

Ányining'e te cing be ace kaben kamok inyim, ne áner ame fe̱ be ba ye, “Akye̱ sak yin tse̱r yin aner atser kaye̱e̱r áfe a tan kus e̱?

aYohana 11:25

Ayong aYeso fe̱ be wu ye, “Mi ne i nye kudorok ikom ne i nye kutser. Aya a tin no̱o̱k katsak ni mi ko ke a ku gip a tà se̱ kutser,

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

aRom 6:9

Kamok yir ren yir ye a dorok aKiristi nure̱k be kutser, a tà bun a ku baba baꞌ. Riku bun ri be rigwo̱m rikak natoon wu baꞌ.

2 aKoranti 13:4

Katsak'e nye ye, a tu tigak kaye̱e̱r kuyo̱mo̱ng kuri rife̱ rinerawe, gip be anong ne wu ti sor kamok kukyem Adakunom. Anong ne yir yo̱mo̱ng yir kaye̱e̱r wu, gip be anong ne kukyem Adakunom yir ta sor yir mak be wu nong a ta ka nye yin itomong.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

aKolosi 3:3

Kamok yin tsang i kus yin, kutser yin se nune̱re̱ng nufe aKiristi kaye̱e̱r Adakunom.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 7:16

Aya a ta te atsi sang natoon igo̱o̱n átukop wu baꞌ, amma natoon kukyem kutser kufe ku tana sor ma izen izen.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Ike̱ng a ta tonong aYohana 10:6

Ayong a shu be riyerek wu aya a ta se ma izen izen, afe a tá nye kaza be koakye ike̱ng i ta se kaye̱e̱r'e. Wu aya a tá nye kazatse be koakye ike̱ng i ta se kaye̱e̱r'e, wu afe a ta nye ágbang ísho̱ng be ike̱re̱ i ta se kaye̱e̱r'e cei, yong amaleka'me fe̱ ye, “A ta ba beseng izen baꞌ.

Ike̱ng a ta tonong aYohana 15:7

Ayong azining kaye̱e̱r ike̱re̱ i ta be kutser ame, no̱o̱k ámaleka kanataar'e nakereng a ta nye be izinariya kanataar na ta shining be riye̱ kubeseng Adakunom, wu afe a ta se ma izen izen.

Ike̱ng a ta tonong aYohana 2:8

“Zibir amaleka ikilisiya aSamirna'me ye: Rife̱ na ne nufe aner aya a ta nye Ime̱se̱ng'e ne a nye Igang'e, wu ne a ku a tá bun a dorok be kutser.

Ike̱ng a ta tonong aYohana 20:13

Iyong ágbang adung be̱s be áner aya ba tá kus kaye̱e̱r ba. Riku be karo̱ kaya nabik áya a tá kus tú ku sor be̱s be afuba gip. A to̱ koangan amok te̱re̱ be kunye wu.

Ike̱ng a ta tonong aYohana 20:14

Ayong a barak Riku ame ne karo̱ kaya nabik áya a tá kus tú ku sor kaye̱e̱r icen kuro̱ng ame. Iyuna ne i nye riku rife̱ afa.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Ike̱ng a ta tonong aYohana 4:9

Ike̱re̱ inaas itser'ong bom abom riye̱ rikan, be nakerek ne a kuyiik, aner aya a ta sonong natoon itsik rigwo̱m'e, wu aya a tana sor ma izen izen'e. Koakye izen iya ba nye anong,

Ike̱ng a ta tonong aYohana 5:14

Ne íkewum inaas ife kutser ame fe̱ ye, “Anong.” Ne áko̱k kasho̱o̱n ame kpas kaben a tú ku ya iben.

Ike̱ng a ta tonong aYohana 6:8

Mi tá fa ye̱re̱k ne mi di itsaap ikak i ta se kyo̱ndi ashi aruron nasho̱o̱n mi. Riyerek aner aya a tin ngarak natoon itsaap'e nye Riku, karo̱ nabik áya a tan kus tu ku sor tsang ka ku kuus nama. Á tú no̱o̱k ba kukyem a tanin fe̱s ikes azining kaye̱e̱r ikes anaas ife kazatse be itsor ne izong be iro̱k ne ámaan kukewum.

Ike̱ng a ta tonong aYohana 9:1

Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.