Ike̱ng a ta tonong aYohana 1:1 - Izere New Testament

¹ Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

Ike̱ng a ta tonong aYohana 1:1 Iomraidhean Croise

aYohana 12:49

Kamok mi fe̱ rife̱ rice mi baꞌ, amma Ada mi afe a tin tom wu ne a ti tees ike̱ng iya mi tana fe̱ be iren iya mi tana fe̱.

aYohana 15:15

Mi tà ba ka yis yin ye ásam baꞌ, kamok asam ren kuto̱ro̱ng atekasa wu baꞌ. Mi ta ka yis yin ye áferime̱ mi makong, kamok koakye ike̱ng iya mi tá bo̱so̱p nufe Ada mi, mi ma ka taas yin.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 3:32

Ike̱re̱ iya wu ta di ne a fok ne wu fe̱ natoon'e, gip be anong ko akak shan rife̱ wu baꞌ.

aYohana 8:26

Ike̱re̱ kuse dide̱ng mi tana kyem i fe̱ ife amok natoon yin, amma wu aya afe a tin tom nye afe katsak. Ike̱re̱ mi tá fok nufu ne mi taas kazatse.”

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aGalati 1:12

Mi se̱ nufe akak, ka akak ne a ti bo̱so̱p'e baꞌ, amma aYeso Kiristi be rice wu ne a ti tonong.

Afisa 3:3

Iyong ne i nye ike̱ng Adakunom tin te̱s'e kaye̱e̱r kanye̱k wu kaya sang akak ta ren baꞌ, kyo̱ndi mi tá tsang i ka zibir yin'e cie̱k.

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

Ike̱ng a ta tonong aYohana 1:19

“Kamok anong zibir ike̱re̱ iya wan ta ye̱re̱k kyo̱o̱rna ne ike̱re̱ iya i tana nye nama iyuna.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ike̱ng a ta tonong aYohana 17:1

Ayong azining kaye̱e̱r ámaleka kanataar ame áya a tá be nakereng kanataar ame be̱ á ta fe̱ be mi ye, “Be̱, mi tà ka tonong kuri risam mi tana no̱o̱k agbang inyak agwo̱m na, aya a ta nye agbang kuwo̱p a tá no̱k bubarak be karo̱ ísho̱ng tú ku se whe̱re̱.

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

Ike̱ng a ta tonong aYohana 22:6

Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”

Ike̱ng a ta tonong aYohana 22:8

Mi aYohana, mi fok ne i dis ike̱re̱ na. Mi tá fa gang ku foos ne ku ye̱re̱k'e cei ne mi kpa natak amaleka ame nong tú ku ya iben, wu aya a tin tosong ike̱re̱'me.

Ike̱ng a ta tonong aYohana 22:9

Amma amaleka'me fe̱ be mi ye, “Sang tu nye anong baꞌ. Mi nye asam afudang wan, kyo̱ndi ribir áronyining wan áner kuzarap Adakunom cei be ribir ánerawe áya a tin sak riye̱ nufumung a ta zibir na. Ya yin Adakunom iben!”

Ike̱ng a ta tonong aYohana 4:1

Nama anong, nasho̱o̱n mi, mi bun i di kanukutu kakak nukarak kaye̱e̱r kaza. Ne mi bun i fok kuto̱ kuya mi ta tsang i fok ni ime̱se̱ng'e kyo̱ndi rigba ame ye, “Ngarak aze, mi tà ka tonong ike̱re̱ a tana nye dim nama iyu.”

Ike̱ng a ta tonong aYohana 5:7

Iyong Aturuk ame tseng nong a tá se sok kukpa nubo̱k riya aner a tan sonong ni itsik rigwo̱m ame.