Ibrani 9:1 - Izere New Testament

¹ Kushu kufe ime̱se̱ng'e tonong iren a tana ya Adakunom iben, be karo̱ ku kuya iben anerawe ta nye.

Ibrani 9:1 Iomraidhean Croise

aLuka 1:6

Cice̱r ba, á nye áner aya kutseng ba tá se gye̱r nasho̱o̱n Adakunom, á kuus Itsi be ike̱re̱ Adakunom tá fe̱ ye a ra kuus cei gye̱r gye̱r.

aRom 9:4

áner Isarela. Ba ne Adakunom tú ku sak ba á tá te inoon wu, a tú tonong ba kuyiik wu, a tú ku nye ba kushu be Itsi iya a ta ka no̱o̱k ba, ne a ka tonong ba iren ku kuya iben ife katsak. A bun a tú ku no̱o̱k ba kuto̱.

aKolosi 2:8

Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

Ibrani 8:13

Kum Adakunom tá fe̱ ye rife̱ kushu na nye “Kufas,” kufe ime̱se̱ng'e te kuzen. Ike̱ng iya i tan te izen ta gor ne i gang.

Ibrani 8:2

A nye itomong wu naro̱ itomong atsi kazhe̱l'e kufe katsak, kuya Adakunom tá nye sang anerawe baꞌ.

Ibrani 8:7

A fa fe̱ ye ike̱ng ikak won dar i te titeng be kushu kufe ime̱se̱ng'e baꞌ ke a bun a nye kufe afa'me baꞌ.

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.