Ibrani 8:5 - Izere New Testament

⁵ Nizen iya a ta nye itomong naro̱ kaya ka ta nar kuse zhe̱l, a maas ne a kuus nawu ike̱ng iya a ta nye kaye̱e̱r kaza tsek. Iyong ne i sak a tá kpam aMusa nizen iya a tá tse̱r a tá tar kubur a tanin ya Adakunom iben ye, “Sak riye̱ nong ta nye koakye ike̱ng kyo̱ndi mi ta ka tonong natoon rifan.”

Ibrani 8:5 Iomraidhean Croise

aMatiyu 2:12

A tsang a kutak ba kaye̱e̱r nabos ye, sang á tú gor nufe aHiridus baba baꞌ. Iyong á tú bun nuwo̱p ba ni iren ikak.

Itomong Ámanzo 7:44

“Átukop yir be kubur kuya ku tá tonong ye Adakunom se mak be ba kaye̱e̱r katse. Á nye kubur'e kyo̱ndi Adakunom tá fe̱ be aMusa, tite̱re̱ be kuri ike̱ng iya a tá tonong aMusa.

aKolosi 2:17

Ike̱re̱ na se kyo̱ndi nawu ike̱re̱ i tana be̱ tsek, amma aKiristi ne a nye kunik'e

Ibrani 10:1

Itsi nye nawu ike̱re̱ itek i tana be̱ tsek sang atuk kunik ike̱re̱'me baꞌ. Iyong ne isak asidaka aya a tá yiir nye'me koakye izen, aye̱ be aye̱ tá sak áya a ta be̱s kuya Adakunom iben ta te zhe̱l baꞌ.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

Ibrani 13:10

Yir be yir abagadi aya afe, afe a ta nye asidaka nubur tanan kyem á ya ike̱ng ikak azong baꞌ.

Ibrani 9:9

Iyu ti tonong yir ike̱ng ikak kyo̱o̱rna. Iyong ti tonong yir ye asidaka a ta nye ye̱r ye̱r tà sak aye̱ anerawe ta te zhe̱l nasho̱o̱n Adakunom baꞌ.

Ike̱ng a ta tonong aYohana 15:5

Nama anong, mi tá fa ye̱re̱k kaza, kaye̱e̱r agbang kutu kuya Adakunom iben ne mi di kubur kushu Adakunom kuye̱.