Ibrani 7:11 - Izere New Testament

¹¹ Ke itomong ritsi kuri ife aLawi ta kyem i sak aner ta te zhe̱l (Kamok atsi ne a nye itsi) to̱, akye̱ sak a bun a shim ke a se̱ atsi akak a ta se kyo̱ndi aMakizadek sang aHaruna baꞌ e̱?

Ibrani 7:11 Iomraidhean Croise

aGalati 2:21

Mi ramin ritek Adakunom baꞌ, kamok ke a nye ye ánerawe ta te zhe̱l kamok ku kuus Itsi, i nye ye riku aKiristi be itomong baꞌ.”

aGalati 4:3

Anong ne i se gip, nizen iya i ta ru nye yir inoon, i se yir kaye̱e̱r risam ku kuus igo̱o̱n kazatse na

aGalati 4:9

Amma kyo̱o̱rna yin ta ren yin Adakunom be katsak, ka a ta fe̱ ye Adakunom ta ren yin, akye̱ sak yin bun i sen kuburung yin na kpe̱de̱ng igo̱o̱n i ta won dar i be agap anong e̱? Yin bun i shim yin, ta te yin ásam ba gbak a?

Ibrani 5:10

Adakunom ne a tú ku kasa a ta sor agbang atsi kyo̱ndi aMakizadek.

Ibrani 5:6

A bun a fe̱ naro̱ kakak ye, “Wan nye agbang atsi ma izen izen, kyo̱ndi aMakizadek.”

Ibrani 6:20

aYeso tsang an tseng azong nasho̱o̱n yir kamok yir. An te agbang atsi ma izen izen kyo̱ndi aMakizadek.

Ibrani 7:10

Kamok nizen iya aMakizadek tá nyim be Ibrahim, a tsang a tes aLawi baꞌ.

Ibrani 7:12

Kamok ke a shishing atsi, ne a shishing itsi gip.

Ibrani 7:13

Aya afe a tin fe̱ ike̱re̱ na natoon wu a wuruk nuri kukak ze̱e̱r kuya sang akak ba ta kun nye itomong naro̱ kushosh asidaka baꞌ.

Ibrani 7:15

Ike̱ng iya yir tin fe̱ yir min barang kute kanang, atsi akak kyo̱ndi aMakizadek n wuruk.

Ibrani 7:21

Amma aYeso te atsi be kushu nizen Adakunom tá fe̱ be wu ye, “Agwo̱m Ágwo̱m n shu, a ta bun a shishing riye̱ wu baꞌ. ‘Wan nye atsi ma izen izen.’ ”

Ibrani 8:7

A fa fe̱ ye ike̱ng ikak won dar i te titeng be kushu kufe ime̱se̱ng'e baꞌ ke a bun a nye kufe afa'me baꞌ.

Ibrani 9:6

Nizen iya a tá saas ike̱re̱ na cei anong, ne átsi ra ma no̱ nutu kufe kanu'me, á tá nye itomong ba.