Ibrani 6:2 - Izere New Testament

² itak abatisma be ku nisaas ibo̱k ritek natoon ánerawe, ne kudorok ikom be amok afe izen izen.

Ibrani 6:2 Iomraidhean Croise

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aMatiyu 3:14

aYohana shim a tú ku roon'e, iyong a fe̱ ye, “Gye̱r ke mi be̱ nufuan nong wan tin nye abatisma, ne wan bun i be̱ nunaan ingya a?”

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

aMarkus 7:4

Ke á ne naro̱ rizhik á wor á yas baꞌ, ma á so. Ne á bun á kuus igo̱o̱n ikak whe̱re̱ kyo̱ndi kukusu ako̱p ne agbang akpano̱ ne nafeneng atso̱m.

aMarkus 7:8

“Yin won yin Itsi Adakunom nong i ta kuus yin igo̱o̱n anerawe.”

aLuka 11:38

Amma aner aFarisi'me te zhing a tá di aYeso tá ya naya'me dar ku kusu ibo̱k kyo̱ndi igo̱o̱n ba ta fe̱ ye a ra nye nizham a ta ra ya naya.

aLuka 12:50

aBatisma kuse a tanin nye'me, a kon ni te ke a min i nye'me.

aLuka 14:14

Wan tà se̱ ishorong, ba ta kyem á ka karang baꞌ gye̱rtatan, a tà ka karang nizen iya a tana dorok azhe̱l'e áya a ta n kus.”

aLuka 3:16

aYohana fe̱ be ba ye, “Mi ta nye yin abatisma be ashi, akak afe a ta be kukyem ne a ni nar, tà be̱, afe mi tana kyem i bis idun akpatak wu baꞌ. A tà ka nye yin abatisma be Kabik Kazhe̱l'e ne kuro̱ng.

aYohana 1:33

Mi tsang i ku ren baꞌ, amma Adakunom afe a tin tom nong ta nye abatisma be ashi ti tak ye, ‘Aner aya wan di Kabik ti tiik ne a ni sonong natoon wu to̱, wu ne a nye aner kunye abatisma be Kabik Kazhe̱l'e.’

aYohana 5:29

ne á wuruk, áya a tá nye kunye kutek tà dorok be kutser, ne áya a tá nye kunye kumaan'e ta dorok nong a tú ku to̱ ba amok.

Itomong Ámanzo 10:47

“Aner na n se̱ Kabik Kazhe̱l'e kyo̱ndi yir tan se̱ yir. Akak kuse a tana roon ku ka nye ba abatisma be ashi a?”

Itomong Ámanzo 13:3

To̱, nama á tá nye azumi be aduwa, yong á ti saas ibo̱k ritek natoon ace aBarnabas be Ashawulu nong á tá ma ku te ba niren.

Itomong Ámanzo 16:15

Nizen iya a tú ku nye abatisma be áfekari wu, yong a fe̱ be yir ye i ra tseng yir kari wu. A fe̱ ye, “Ke yin ti sok yin ye mi min no̱o̱k katsak na Agwo̱m Ágwo̱m, to̱ ne yin tseng yin ta se sor yin kari mi.” A sak ma yir shim yir.

Itomong Ámanzo 16:33

Kum natuk'e yong, aner kufer kutu itso̱m'e se ka kusu ba ifor. A wor a tú ku nye abatisma mak be áfekari wu peer.

Itomong Ámanzo 17:18

Anong ne áner Abikuriya ákak ne áfe aSitoyik'e akak aya a tá ren ike̱ng dide̱ng nyim nong á tá ya nanan be wu. Ákak ba fe̱ ye, “Akye̱ ne agwo̱m riwo̱ng na shim a tá fe̱ e̱?” Ákak bun á fe̱ ye, “A shim ke ánerawe kuus itsi iduk gak ayi.” Á fe̱ anong kamok ba tá fok aBulus ta fe̱ rife̱ natoon aYeso ne itak kudorok ikom nure̱k.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

Itomong Ámanzo 2:41

Áner aya a tá shan rife̱ wu se whe̱re̱ yong a tú ku nye ba abatisma. Katuk kayong ánerawe'me ta bubarak áner izungu itaar á ti barang niba.

Itomong Ámanzo 23:6

aBulus tá fa di ákak ba nye áner aSadusi ne ákak nye áner aFarisi, yong a ta kuto̱ a tá fe̱ be kusonong ako̱k kasho̱o̱n'e ye, “Ároneng, mi nye aner aFarisi, kutes aner aFarisi. A sen ni to̱ amok kamok mi min te riye̱ ni dorok ikom.”

Itomong Ámanzo 24:15

Mi n bun min te riye̱ na Adakunom kyo̱ndi áner na ye a ta dorok aya a ta nye azhe̱l'e ne aya a ta nye amaan'e.

Itomong Ámanzo 24:21

Ma ke rife̱ mi ta fe̱ nizen iya mi tá ta kuto̱ nasho̱o̱n ba i ta fe̱ ye, ‘A sen ni to̱ amok nasho̱o̱n yin katuur kamok itak kudorok ikom nure̱k.’ ”

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”

Itomong Ámanzo 26:8

Akye̱ sak yin di yin ye Adakunom ta kyem a sak áfe a tan kus ta dorok baꞌ e̱?

Itomong Ámanzo 4:2

Aye̱ ba beseng dide̱ng kamok ámanzo tá se be ibo̱so̱p ánerawe'me ye aYeso dorok nure̱k, ye iyong tonong ye áner aya a tan kus ta dorok.

Itomong Ámanzo 6:6

Á be̱ be ba nasho̱o̱n ámanzo ne ámanzo'me nisaas ibo̱k natoon ace ba, á tú ku nye ba aduwa.

aRom 2:16

Anong ne i bu se katuk Adakunom tana sak aYeso tana to̱ ike̱re̱ iya anerawe ta ne̱r kaye̱e̱r riye̱ amok, kyo̱ndi mi ta fe̱ kaye̱e̱r Rife̱ Ritek mi tá ka taas yin.

1 aKoranti 10:2

I se kyo̱ndi a tú nye ba abatisma kaye̱e̱r kune̱n'e ne kaye̱e̱r agbang isho̱ng'e cice̱r nong a tá te afe ku kuus aMusa.

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

aFilipi 3:21

Wu ne a be kukyem a tanin nye rigwo̱m natoon koakye. Be kukyem wu'me ne a tin shishing kuraar yir nuro̱m nong ku tà te yiik kyo̱ndi kufu.

aKolosi 2:12

Kamok nizen iya a tá ka nye yin abatisma ne a tá ne̱r yin mak be aKiristi ne a bun a ka dorok yin mak be wu kamok kuno̱o̱k katsak yin kaye̱e̱r kukyem Adakunom aya a tú ku dorok nure̱k be kutser.

2 aTimoti 2:18

áya a tá won iren katsak'e. Ba fe̱ ye izen kudorok ikom nare̱k n gor ma á sak ákak won kuno̱o̱k katsak ba.

Ibrani 11:35

Kuno̱o̱k katsak sak ányining ákak bun a se̱ áner ba á tan kus be kutser. Ákak so̱ risam makiyi, á shim nong á ta ka won ba baꞌ nong ase̱ á tà ka dorok ba be kutser ku tà nar kutek.

Ibrani 9:10

Ike̱re̱'ong a tá nye se natoon kuyas be kuso̱ ne ku naka kusu. Ike̱re̱'ong nye ife kuro̱m tsek iya a tin nye itomong ma nizen iya Adakunom ta shishing koakye.

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.