Ibrani 5:9 - Izere New Testament

⁹ Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

Ibrani 5:9 Iomraidhean Croise

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aLuka 13:32

Ayong aYeso fe̱ be ba ye, “Tseng yin, ta se tak yin azen azen'ong ye mi tà turung ítseng ne i sak ánerawe ta te atser katuur be natson, kaniya mi tà gang ike̱ng mi tan sak nasho̱o̱n'i.

aYohana 19:30

aYeso tá shushu akpukpak ashi'me ne a fe̱ ye, “An gang!” Ne a ma roor kuto̱ a tá no̱o̱k kutser wu.

Itomong Ámanzo 3:15

Yin fe̱r yin aner aya wu ne a ta Ritin kutser amma Adakunom tú ku dorok nure̱k. Yir tú ku di yir be anyisi yir.

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

Itomong Ámanzo 5:32

Yir ne i nye yir áfe ku taas ike̱ng iya Adakunom tá nye kamok yir di yir be anyisi yir, Kabik Kazhe̱l'e kaya Adakunom ta no̱o̱k áfe a ta kuus rife̱ wu fe̱ anong gip.”

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

aRom 10:16

Amma sang aner Isarela cice̱r ne a shan Rife̱ Ritek'e baꞌ. Kyo̱ndi Ishaya ta fe̱ ye, “Agwo̱m Ágwo̱m, angan ti no̱o̱k katsak rife̱ yir e̱?”

aRom 15:18

Mi ta kyem i nye riye̱ ritser nong tin fe̱ ike̱ng ikak natoon'e baꞌ, ma ke ike̱ng iya aKiristi tin sak mi tan nye. Ike̱ng mi ta nye'me nye mi ta be̱e̱n áya sang á ta nye áner aYahuda baꞌ, ta kuus Adakunom kamok rife̱ mi be kunye mi,

aRom 2:8

Amma áya a ta shim rice ne á gaar katsak ne á nye amaan kunye, a tù ku karang ba be riye̱ kubeseng ne riye̱ riwe.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

2 aKoranti 10:5

Yir yirik yir nanan be koakye kuri ike̱ng ife kuka ta be nong a tin te̱ne̱ng kuren Adakunom ne i nye yir koakye kuri ike̱ng iya i tana sak kuto̱ro̱ng ánerawe ta sor áfe ku kuus rife̱ aKiristi.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

Ibrani 11:40

Adakunom tsang a nye kanye̱k ike̱ng ikak kamok yir nong ase̱ mak be yir ne ba tà shining.

Ibrani 11:8

Natoon kuno̱o̱k katsak ne Ibrahim ti fok kuto̱ Adakunom a tá tseng naro̱ kaya wu tá ren baꞌ, nizen iya a tá fe̱ be wu ye a ra tseng naro̱ ka tana te kafu nasho̱o̱n.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 2:10

Adakunom ne a nye koakye, kamok wu ne koakye kuse. Kamok anong ke i nye ye Adakunom be̱e̱n inoon wu whe̱re̱ kuyiik, i ta se gye̱r a ta tiyiik ako̱k kasho̱o̱n kashesh ba. A nye anong be risam aYeso tá so̱.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

Ibrani 9:12

A no̱ be naso̱k izha ka amung baꞌ. A no̱ naro̱ ka ta nar Kuse Zhe̱l be naso̱k wu kutak kuzining tsek nama a tin se̱ yir kashesh kafe izen izen.

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aZhud 1:21

Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.