Ibrani 5:8 - Izere New Testament

⁸ aYeso nye Igon Adakunom gye̱rtatan, amma a ti barang kukuus kuto̱ Adakunom kaye̱e̱r risam a tá so̱.

Ibrani 5:8 Iomraidhean Croise

aMatiyu 3:15

Amma aYeso fe̱ be wu ye, “I se gye̱r ta nye yir anong; kamok be anong ne a tá shining yir ike̱ng iya Adakunom ta shim.” Ayong aYohana tú ku shim'me.

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aFilipi 2:8

Nizen iya a tá be̱ kaye̱e̱r kuro̱m anerawe, a mees rice wu, ma a no̱o̱k rice wu a ku, a kuus ike̱ng iya Adakunom tá shim, a tú kutigak nukon ma a ku natoon kukon'e.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

Ibrani 1:5

Kamok amaleka akak kuse Adakunom tá kun fe̱ be wu ye, “Wan nye Igon'i, katuur mi n te Ada wan” baꞌ. Ka ye, “Mi tà te Ada wu, ne wu ma te Igon'i” baꞌ.

Ibrani 1:8

A fe̱ natoon Igon'e ye, “Itsik rigwo̱m wan, Adakunom, tà sor ma izen izen. Katsak ne ka ta nye ishe̱n rigwo̱m wan.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.