Ibrani 5:7 - Izere New Testament

⁷ Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

Ibrani 5:7 Iomraidhean Croise

aMatiyu 27:46

Nabas itso̱m itaar aYeso tá kuto̱ naza ye, “Eloi, Eloi, lama sabatani?” I ta sor ye, “Adakunom mi, Adakunom mi, akye̱ sak wan tin won kpe̱de̱ng ana e̱?”

aMatiyu 27:50

Ayong aYeso bun a tá kuto̱ naza ife afa gbak, ne a ko̱ro̱k isong wu ife igang'e.

aMarkus 15:34

Nabas itso̱m itaar'e, aYeso tá kuto̱ be agap ye, “Eloi, Eloi lama sabatani,” i ta sor, “Adakunom mi, Adakunom mi, akye̱ sak wan ti won ana e̱?”

aMarkus 15:37

Ayong aYeso ta kuto̱ dide̱ng naza ne a ko̱ro̱k isong wu ife igang'e.

aLuka 23:46

aYeso tá kuto̱ naza a tá fe̱ ye, “Ada, nubo̱k wan, ne mi won kutser mi.” A tá fa fe̱ anong, ne a ko̱ro̱k isong wu ife igang'e.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 11:35

aYeso tos.

aYohana 11:42

Mi ren ko gbugbang gip wan ti fok, amma mi fe̱ anong, nong ánerawe na aze, tin no̱o̱k katsak ye wan ne i ti tom.”

aYohana 17:1

Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

Ibrani 10:10

Be kushim Adakunom ne yir n te yir azhe̱l'e be kuno̱o̱k aYeso Kiristi kyo̱ndi asidaka kutak kuzining tsek.

Ibrani 10:5

Kamok anong, nizen iya aKiristi tá be̱ nazatse, a fe̱ ye, “Asidaka be kunyesek ike̱re̱ ne wan shim baꞌ, amma kuro̱m ne wan nye kanye̱k'e.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

Ibrani 12:28

Kamok anong kum yir tanan no̱ yir kaye̱e̱r rigwo̱m riya sang a tana zuur baꞌ, won i tu tonong yir riye̱ rikan, ne iya yir Adakunom iben kyo̱ndi wu ta shim, be kuyiik ne ikap kutiim,

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

1 aYohana 4:3

Ke aner'e fe̱ ye sang aYeso be̱ kaye̱e̱r kuro̱m baꞌ, i nye ye kabik'e nye kafe Adakunom baꞌ. Aner kuri ayong be kabik kaya ka ta nye amudo̱n aYeso Kiristi kaya yin tá fok yin ye ka saase, kyo̱o̱rna gip ka se kaye̱e̱r kazatse.

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.