Ibrani 5:12 - Izere New Testament

¹² Katsak'e, a fa gye̱ ke yin ma sen bo̱so̱p yin ákak'e kyo̱o̱rna, gip be anong yin ru shim yin ákak afe a tana ka bo̱so̱p yin ike̱re̱ izhizhe̱k'e kaye̱e̱r rife̱ Adakunom. Yin tse̱r yin nabasang, sang akpakarak naya baꞌ.

Ibrani 5:12 Iomraidhean Croise

aMatiyu 17:17

Ayong aYeso fe̱ be wu ye, “Kaꞌ yin ánerawe izam na i tá shonong yin, yin be yin kuno̱o̱k katsak baꞌ. Ma ane̱ ne mi ta sor mak be yin e̱? Ma ane̱ ne mi ta naka mak tsesek be yin e̱? Be̱e̱n yin be acam'me aze.”

aMarkus 9:19

Ayong aYeso fe̱ ye, “Kaꞌ. Yin ánerawe izam na, i ta won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n yin igon'e aze.”

Itomong Ámanzo 7:38

Wu ne a se mak be rigwo̱m inoon Isarela kaye̱e̱r katse ne a se mak be áda yir ne a se mak be amaleka aya a tá fe̱ kanu be wu natoon rifan aSinai. Wu ne a shan rife̱ Adakunom rife kutser a tá be̱ a tin no̱o̱k yir.

aRom 3:2

Ei katsak'e, á nar ribir'e nike̱re̱ dide̱ng. Ni ime̱se̱ng'e Adakunom tú no̱o̱k ba rife̱ wu.

1 aKoranti 14:19

Amma i tin nar mi ta fe̱ ike̱re̱ itoon tsek nanyim afikuus nong á ta fok, be i tana fe̱ ike̱re̱ izungu kuso̱k (10,000) ne á fok baꞌ.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

aGalati 4:3

Anong ne i se gip, nizen iya i ta ru nye yir inoon, i se yir kaye̱e̱r risam ku kuus igo̱o̱n kazatse na

aFilipi 3:1

Ni igang'e ároneng, nye yin riye̱ rikan be Agwo̱m Ágwo̱m yir. I ti daam i ta bun ta ka zibir yin'e natoon ike̱re̱ mi tá tsang ka zibir yin'e gbak baꞌ, amma nong yin tà nyeseng yin be agap.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

Ibrani 10:32

Yiring yin kaye̱e̱r inom kama nama, yin ta se̱ yin akanang Adakunom, yin tsesek yin dide̱ng, gip be risam i tá so̱ yin.

Ibrani 5:11

Yir be yir ike̱re̱ whe̱re̱ tana fe̱ yir natoon iyong, amma i ro̱ ta ka tonong yin kamok yin ren yin ike̱ng zizirik baꞌ.

Ibrani 5:13

Aner aya nabasang ne na ta nye naya wu ru nye izo̱k igon, an me̱ be kubo̱so̱p natoon kuse azhe̱l nasho̱o̱n Adakunom baꞌ.

Ibrani 6:1

Kamok anong, tu bun i beseng yir izen yir natoon ike̱re̱ izhizhe̱k'e natoon aYeso baꞌ, nong ta ya yir kasho̱o̱n, ta te yir ánerawe. Sang tu bun i kubun yir kama ta nye yir kubo̱so̱p itak kushishing kuse natoon ike̱re̱ i tana be̱e̱n riku be itak ku nino̱o̱k katsak na Adakunom baꞌ,

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.