Ibrani 4:12 - Izere New Testament

¹² Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

Ibrani 4:12 Iomraidhean Croise

aLuka 8:11

“Iyu ne i nye ike̱ng iya kumaas'e ta sor, íca naya'me nye rife̱ Adakunom.

aYohana 12:48

Aner kuto̱ amok kuse kamok aya a tin ramin ne a bun a rawu kushan rife̱ mi, rife̱ mi tá fe̱ tù ku to̱ amok katuk igang'e.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

Itomong Ámanzo 2:37

Ánerawe tá fa fok anong, rife̱'me tú ku ra ba naye̱ ma a daam dide̱ng. Ne á fe̱ be aBitrus ne ribir ámanzo'me ye, “Ároneng, yir ta nye yir ane̱ e̱?”

Itomong Ámanzo 4:31

Nizen iya ba tá gang kunye aduwa, yong karo̱ kaya ba tú ku nyim'e zuur, ne a ku shining ba be Kabik Kazhe̱l'e ne a taas rife̱ Adakunom be riye̱ rizining dar inyim.

Itomong Ámanzo 5:33

Áko̱k kasho̱o̱n ame tá fa fok anong ne aye̱ ba fuus ma á ti sak ye a ta ka fe̱s ba.

Itomong Ámanzo 7:38

Wu ne a se mak be rigwo̱m inoon Isarela kaye̱e̱r katse ne a se mak be áda yir ne a se mak be amaleka aya a tá fe̱ kanu be wu natoon rifan aSinai. Wu ne a shan rife̱ Adakunom rife kutser a tá be̱ a tin no̱o̱k yir.

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

1 aKoranti 1:24

Rife̱ yir se ye, aKiristi nye agap be kukyem Adakunom nufe aner aya Adakunom ta yis ko aner'e tu nye aner aYahuda ka aner aHeleni.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

2 aKoranti 4:2

Yir ban i ra yir ike̱re̱ a ta tsang a nye nune̱re̱ng ife isum ingya. Ike̱ng ikak ti gung yir be abo̱o̱s ka ta wo̱ro̱k yir ánerawe be rife̱ Adakunom baꞌ. Amma yir ban i taas yir katsak, be anong koangan ta fe̱ itak yir nasho̱o̱n Adakunom kaye̱e̱r riye̱ wu.

Afisa 5:13

Kamok akanang'e ta te̱s koakye nong koangan ta di ne a ren.

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

Afisa 6:17

Te yin kashesh yin kyo̱ndi ribong kutso̱m ne awe̱n itsor ife Kabik Kazhe̱l'e iya i ta nye rife̱ Adakunom.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

Ibrani 13:7

Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

Ibrani 6:5

ne áya a tá kun fok ritek rife̱ Adakunom ne kukyem kufe kasho̱o̱n.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

1 aBitrus 1:23

Kamok a bun a ma ka tes yin sang be ike̱ng iya i tana beseng ba, amma a ta ka tes yin be rife̱ Adakunom, rife kutser rife izen izen.

Ike̱ng a ta tonong aYohana 1:16

A yiir ádar kanataar nubo̱k riya wu, kaye̱e̱r kanu wu kutsor kuso̱p wuruk kuya ku tá ya dide̱ng abas afa. Kanyisi wu se kanang kyo̱ndi katite kunom.

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 19:21

A fe̱s ribir ásozha ame ákak be itsor i tá wuruk nanu aner aya ta se natoon itsaap ikan ame. Iyong nanon ti kumung rice ba ni iya ikom'e.

Ike̱ng a ta tonong aYohana 2:16

Kamok anong shishing kuse wan. Ke anong baꞌ, mi tà be̱ nufuan zizirik nong tà ba ka te̱se̱ng ba be itsor iso̱p i tan wuruk nanu mi.

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.