Ibrani 4:1 - Izere New Testament

¹ Kamok anong, kum kuno̱o̱k kuto̱ a tá tsang a fe̱ be yir ye, yir tà no̱ yir kaye̱e̱r karo̱ kufan wu tu ku se, to̱, i sak yir riye̱ fan ákak yir bu won dar á kyem á no̱.

Ibrani 4:1 Iomraidhean Croise

aMatiyu 24:48

Amma ke asam'me nye amaan'e, a tà to̱ riye̱ wu ye, ‘Atekasa mi tà sor izen dide̱ng nizham a ta ra be̱.’

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aRom 11:20

Katsak'e yong. Amma a tu turung ba kamok kuwon dar kuno̱o̱k katsak ba, yin se yin azong kamok kuno̱o̱k katsak yin. Tin ya yin kuka baꞌ, amma nye yin tatan.

aRom 3:23

Kamok koangan nye rine̱n, a ti raar nuyiik Adakunom.

1 aKoranti 10:12

Kamok anong, ke wan di ye wan n nyeseng be agap, to̱, nye tatan fan i bu kpa.

2 aKoranti 6:1

Yir áfe i ta nye yir áfudang yin kaye̱e̱r itomong Adakunom yir ta nye yin izong ye, sang tu nye yin kpe̱de̱ng be ritek Adakunom baꞌ.

aGalati 5:4

Yin áfe i ta shim ta sor yin kyo̱ndi azhe̱l'e nasho̱o̱n Adakunom kamok i kuus yin Itsi, tonong ye yin kam yin be aYeso ne ritek Adakunom.

2 aTimoti 2:13

Ke yir be yir katsak baꞌ, wu tà sor afe katsak kamok wu tà kyem a ton rice wu baꞌ.”

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

Ibrani 13:7

Yiring yin be áko̱k kasho̱o̱n yin áya a ta ka tak yin rife̱ Adakunom. Ye̱re̱k yin kuri kusor kuya ba ta sor nong ta kuus yin kuno̱o̱k katsak ba.

Ibrani 3:11

Kaye̱e̱r riye̱ kubeseng, mi nye kushu ye, ‘Sang ba tà se̱ iren á tana no̱ naro̱ kufan'i baꞌ ko cie̱k.’ ”

Ibrani 4:11

Won i tu nye yir koakye ike̱ng i tana kyem i nye yir nong ta no̱ yir kaye̱e̱r kufan'ong, fan akak bu kuus kuse ba, a tà kpa, á ta won dar á fok kuto.

Ibrani 4:9

Iyong tonong ye, kufan nama inom kanataar rusek gbak kamok áner Adakunom.