Ibrani 3:12 - Izere New Testament

¹² Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.

Ibrani 3:12 Iomraidhean Croise

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 24:4

aYeso fe̱ be ba ye, “Nye yin tatan fan a ba ka wo̱ro̱k yin.

aMarkus 13:23

To̱, sak yin riye̱, mi ma ka tak yin koakye nakuruk.

aMarkus 13:33

Sak yin riye̱ ne i nye yin kanye̱k kamok sang yin tá ren yin izen iya a tana be̱ baꞌ.

aMarkus 13:9

“Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aLuka 21:8

Ayong aYeso fe̱ be ba ye, “Sak yin riye̱, fan akak ba ka wo̱ro̱k yin. Kamok ánerawe whe̱re̱ tà be̱s kaye̱e̱r riyerek'i ne á fe̱ ye, ei, ba ne á nye mi, ne á bun á fe̱ ye, ‘Izen m be̱ bubarak.’ Sang tu kuus yin baꞌ.

aRom 11:21

Ke Adakunom won iwhang'e iya i ta nye atuk kunik kakon'e baꞌ, to̱, a ta won dar a ka turung yin baꞌ.

1 aKoranti 10:12

Kamok anong, ke wan di ye wan n nyeseng be agap, to̱, nye tatan fan i bu kpa.

aKolosi 2:8

Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

1 aTasalonika 1:9

Ba be rice ba fe̱ itak kushan niren afe yin tin shan yir, nizen iya yir tá be̱ yir nufe yin, ne kuwon kukuus itsi yin tá won yin nong i tu ku bun yin Adakunom afe kutser ne afe katsak itomong,

Ibrani 10:31

I nye ike̱ng inyim dide̱ng anerawe tana kpa nubo̱k Adakunom afe kutser.

Ibrani 10:38

Azhe̱l'e anaan tin sor natoon kuno̱o̱k katsak. Ke a tu bun kama, riye̱ mi tà beseng be wu.”

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

Ibrani 12:22

Amma yin n se̱ yin rifan aSihiyona ri ta nye aUshalima afe kaza, agbang kuwo̱p Adakunom afe kutser ne kanyim riye̱ rikan ámaleka whe̱re̱re̱.

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

Ibrani 3:10

Iyong ne i sak riye̱ mi ta beseng be izam iyong ma mi fe̱ ye, ‘Aye̱ ba se gugo̱k be mi koakye izen, a ren íren'i baꞌ.’

Ibrani 3:19

Kamok anong, yir ren yir ye á kyem á no̱ baꞌ, kamok kuwon dar kuno̱o̱k katsak ba.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.