Ibrani 2:9 - Izere New Testament

⁹ Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

Ibrani 2:9 Iomraidhean Croise

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMatiyu 6:28

“To̱, kamok akye̱ yin ti daam yin be ares yin ta tes yin e̱? Ye̱re̱k yin kurasak áfure katse ta di yin. Á nye itomong ka á tos ares baꞌ.

aMarkus 9:1

A bun a fe̱ be ba ye, “Katsak'e ne mi ta ka tak yin, ákak afe a ta se aze tà tsang á kus baꞌ, ma á di rigwo̱m Adakunom be̱ be kukyem nizham.”

aLuka 9:27

Katsak'e ne mi ta ka tak yin, ákak áfe a ta se aze tà tsang á kus baꞌ, ma á di rigwo̱m Adakunom nizham.”

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

aYohana 10:17

Ike̱ng iya i tá sak Ada tin shim'ong, kamok mi tá no̱o̱k kutser'i, nong ta bun i dorok'e.

aYohana 12:32

Amma mi, izen iya a ti sok naza, mi tà ko̱ro̱k ánerawe cei nunaan.”

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

aRom 5:18

Kamok anong, kyo̱ndi rine̱n aner azining tá sak koangan ta ku, anong ne ike̱ng itek izining iya aner azining tá nye i ta sak koangan te gye̱r nasho̱o̱n Adakunom ne i ta be̱e̱n ánerawe kutser kufas.

aRom 5:8

Amma Adakunom tin tonong yir kushim wu dide̱ng anong, kum ne yir ru nye yir áfe rine̱n, aKiristi ku kamok yir.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

2 aKoranti 5:15

A ku kamok ánerawe cice̱r, nong áya a ta sor be kutser ta baꞌ, sor kusor rice ba baꞌ, amma á ta sor kusor kuya ku tana kare̱p riye̱ aner a tá ku a tá bun a dorok kamok ba.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

1 aTimoti 2:6

Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

Ibrani 1:9

Wan shim katsak ne i rawan amaan kuse kamok anong Adakunom, a ta nye Adakunom wan, tá kasa a ta ka korok name rice. A tá sak wan ta se̱ kuyiik ku ta nar kufe áfudang wan.”

Ibrani 10:5

Kamok anong, nizen iya aKiristi tá be̱ nazatse, a fe̱ ye, “Asidaka be kunyesek ike̱re̱ ne wan shim baꞌ, amma kuro̱m ne wan nye kanye̱k'e.

Ibrani 11:5

Natoon kuno̱o̱k katsak ne a ti sok aEnok be kutser, a di riku baꞌ. A tú tse̱r, amma a tú ku se̱ baꞌ, kamok Adakunom tú sok. A tú ku kerek ye a nye akak kaye̱e̱r áfe a tá kare̱p Adakunom riye̱ nizham a tá ra ku sok.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 2:7

Wan tú ku nye a ti raar cie̱k na ámaleka, wan tú no̱o̱k rigwo̱m be kuyiik

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Ibrani 8:3

A sak koangan agbang atsi ni itomong nong a ta shosh asidaka ike̱re̱ be ife ikewum. Iyong ne i sak i ta se gye̱r ayu gip a ta tse̱r ike̱ng ikak a ta no̱o̱k.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

Ike̱ng a ta tonong aYohana 19:12

Anyisi wu se kyo̱ndi rigyem kuro̱ng, abong rigwo̱m whe̱re̱ se natoon rice wu. A be riyerek rikak ni izibir, riya sang akak ta kyem a ren baꞌ, ma wu ze̱r tsek.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.