Ibrani 2:4 - Izere New Testament

⁴ Adakunom gip a tonong ye i se anong be kunye ike̱re̱ azhing ne ife kukyem ne kunang Kabik Kazhe̱l'e tá kasap anerawe kyo̱ndi wu ta shim.

Ibrani 2:4 Iomraidhean Croise

aMarkus 16:20

Álimazhiri wu ame tseng nong á ta se taas Rife̱ Ritek koake̱. Agwo̱m Ágwo̱m ti nye itomong be ba dide̱ng. A tonong ye rife̱ ba be katsak be ike̱re̱ azhing iya ba tá nye mak be rife̱'me.]

aMarkus 6:14

Ayong aHiridus fok itak'e, kamok riyerek aYeso tsang ri tseng koake̱. Ma ákak fe̱ ye, “aYohana aner abatisma ne a bun an dorok be kutser. Iyong ne i sak kukyem kunye ike̱re̱ azhing ta se be itomong.”

aYohana 15:26

“Izen iya ne Aner Kutobok'ong be̱, aya a tana ne nufe Ada. Wu ne a nye Kabik kafe katsak. A tà fe̱ itak natoon'i.

aYohana 4:48

aYeso fe̱ be wu ye, “Sang ke yin di yin ike̱re̱ i tana tonong ne itomong azhing baꞌ, yin ti no̱o̱k yin katsak natoon'i baꞌ.”

Itomong Ámanzo 14:3

aBulus be aBarnabas ta inom gaan azong ne a taas rife̱ Adakunom be riye̱ rizining. Adakunom tonong ye itak ritek wu nye katsak kamok a ta no̱o̱k ba kukyem a tin nye ike̱re̱ azhing be ife kukyem.

Itomong Ámanzo 4:10

To̱, yir shim yin cice̱r be áner Isarela tu ren ye, kaye̱e̱r riyerek aYeso Kiristi, afu Nazaret, aya yin tú ku tigak yin amma Adakunom tú ku dorok nure̱k.

Itomong Ámanzo 5:32

Yir ne i nye yir áfe ku taas ike̱ng iya Adakunom tá nye kamok yir di yir be anyisi yir, Kabik Kazhe̱l'e kaya Adakunom ta no̱o̱k áfe a ta kuus rife̱ wu fe̱ anong gip.”

Afisa 1:5

iyong ne i sak wu ta tsang a ni kasa yir nong ta te yir inoon wu kamok itomong aYeso Kiristi. A nye anong nushim wu ne ritek wu.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

Afisa 4:7

Amma a no̱o̱k koangan yir kunang ritek aKiristi kaye̱e̱r kushim wu.

Ibrani 6:4

Áya á ta tsang á ren akanang'e, á tan fok kunang Adakunom, áya a ta gung rice be Kabik Kazhe̱l'e,