Ibrani 2:11 - Izere New Testament

¹¹ Aya a ta se zhe̱l ne áya a tú ku sak ba tá te zhe̱l nye áner kasa kazining. Kamok anong, aYeso fok isum a tá ka yis ba ye áronyining wu baꞌ.

Ibrani 2:11 Iomraidhean Croise

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 28:10

Ne aYeso fe̱ be ba ye, “Sang yin tu fok yin inyim baꞌ. Tseng yin tà se tak yin ároneng ye á ra tseng na aGalili. Ba tin di azong.”

aMarkus 3:34

Ayong a ye̱re̱k áfe a tá sosok á mu ku gorok ne a fe̱ be ba, “Di yin, ango̱ mi be áronyining'i na.

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

aLuka 9:26

Koangan afe a ta fok isum mi be rife̱ mi, Igon Anerawe ta fok isum wu nizen iya wu tana be̱ kaye̱e̱r kuyiik wu be kuyiik Ada wu ne kufe ámaleka azhe̱l'e.

aYohana 17:19

Kamok ba ne mi no̱o̱k rice mi zhe̱l nong ase̱ ba gip ta se̱ kute zhe̱l kufe katsak.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

Itomong Ámanzo 17:26

Wu ne a sok aner azining nong a tin nye ánerawe ze̱r ze̱r, nong á ta sor ba ninaro̱ ze̱r ze̱r kaye̱e̱r kazatse na. Kum ne an nye anerawe baꞌ, wu sak izen be karo̱ kaya koangan tanin sor.

Itomong Ámanzo 17:28

‘Kamok kaye̱e̱r wu ne yir ti sor yir ne i kyem i tseng yir ne i sor yir be kutser.’ Kyo̱ndi áfe abom yin ákak tá fe̱, ‘Yir nye yir inoon wu.’

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

Ibrani 10:10

Be kushim Adakunom ne yir n te yir azhe̱l'e be kuno̱o̱k aYeso Kiristi kyo̱ndi asidaka kutak kuzining tsek.

Ibrani 10:14

Kamok a tá nye asidaka kutak kuzining, a sak áfe a ta te zhe̱l tà shining ma izen izen.

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

Ibrani 13:12

Anong ne aYeso di risam nama kuwo̱p, nong a ta sak ánerawe wu ta te zhe̱l kamok naso̱k wu.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.