Ibrani 2:10 - Izere New Testament

¹⁰ Adakunom ne a nye koakye, kamok wu ne koakye kuse. Kamok anong ke i nye ye Adakunom be̱e̱n inoon wu whe̱re̱ kuyiik, i ta se gye̱r a ta tiyiik ako̱k kasho̱o̱n kashesh ba. A nye anong be risam aYeso tá so̱.

Ibrani 2:10 Iomraidhean Croise

aLuka 13:32

Ayong aYeso fe̱ be ba ye, “Tseng yin, ta se tak yin azen azen'ong ye mi tà turung ítseng ne i sak ánerawe ta te atser katuur be natson, kaniya mi tà gang ike̱ng mi tan sak nasho̱o̱n'i.

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

aLuka 24:26

Aser, sang ma aKiristi so̱ risam ike̱re̱ na cice̱r, a ta ra se̱ kuyiik wu aꞌa?”

aLuka 24:46

Ne a bun a fe̱ be ba ye, “Ike̱ng i ta se ni izibir na ye. aKiristi'me tà so̱ risam, a tà ku, ne a dorok nure̱k katuk afe ataar.

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

aYohana 19:30

aYeso tá shushu akpukpak ashi'me ne a fe̱ ye, “An gang!” Ne a ma roor kuto̱ a tá no̱o̱k kutser wu.

Itomong Ámanzo 3:15

Yin fe̱r yin aner aya wu ne a ta Ritin kutser amma Adakunom tú ku dorok nure̱k. Yir tú ku di yir be anyisi yir.

Itomong Ámanzo 5:31

Adakunom tu no̱o̱k kuyiik a tu ku sak nubo̱k riya wu nong a ta sor áko̱k kasho̱o̱n ne a sor aner kashesh nong a ta sak áner Isarela ta shishing kuse ba ne a ka re̱ng ba rine̱n ba.

aRom 11:36

Kamok wu ne a nye koakye ike̱ng, ne koakye se nubo̱k wu, a nye koakye kamok rice wu. Kuyiik nye kufe Adakunom ma izen izen. Anong!

aRom 9:23

A nye anong nong a tà tonong agbang kuyiik wu natoon áya wu ta ro̱ riye̱ ba, aya wu tá tsang a sak kum ni ime̱se̱ng'e nong a ta se̱ kuyiik wu.

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

2 aKoranti 4:17

Naban kudaam yir ta se̱s yir ta sok izen baꞌ, na ta sak yir ta se̱ yir kuyiik kufe izen izen rife ri ta nar agap a tanin maas be kudaam'e cei.

2 aKoranti 5:18

Ike̱re̱ na cice̱r nye kunye Adakunom, iya kamok aYeso, a tin shishing yir i tá tsang i nye yir amudo̱n wu nong yir ta te yir áferime̱ wu, ne a ni no̱o̱k yir itomong kube̱s be ákak nong á ta te áferime̱ wu.

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

Afisa 2:7

Adakunom nye anong, nong ase̱ a tà tonong izam ife i tana be̱ kuri ritek riya sang ri ta be igak baꞌ. A ti tonong yir anong kamok ritek wu kaye̱e̱r aYeso Kiristi.

Afisa 3:10

Adakunom nye anong be áfikuus nong ase̱ áfe rigwo̱m be áfe a ta nye rigwo̱m natoon kaza ta ren kukyem Adakunom kaye̱e̱r koakye.

aKolosi 3:4

Nizen iya aKiristi, aya a ta nye kutser yin, tana wuruk de̱s, yin gip, yin ta wuruk yin de̱s mak be wu kaye̱e̱r kuyiik wu.

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 6:20

aYeso tsang an tseng azong nasho̱o̱n yir kamok yir. An te agbang atsi ma izen izen kyo̱ndi aMakizadek.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

Ibrani 7:28

Itsi aMusa sak ánerawe á tá raar tá te agbang atsi, amma kushu kufe ku tá be̱ nama itsi sak Igon'e a ta se zhe̱l te atsi ma izen izen.

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

Ike̱ng a ta tonong aYohana 4:11

“Agwo̱m Ágwo̱m yir Adakunom, wan kyem ta shan kuyiik be rigwo̱m ne kukyem, kamok wan ne i nye ike̱re̱ cice̱r, Nu shim wan ne ike̱re̱'me kuse kamok anong i be kutser.”

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.